ព័ត៌មានជាតិ

ករណីកម្លាំងនគរបាលឃាត់ខ្លួន ប្រពន្ធដើម​និង​គូកន​នាំ​គ្នា​ ទៅវាយ​ធ្វើបាប​ប្រពន្ធចុង​ ចាត់ការ​តាម​នីតិវិធី​

កោះកុង:​ កម្លាំង​នគរបាល​ព្រហ្មទណ្ឌ​ បាន​ស្រាវជ្រាវ ​និង​ឃាត់ខ្លួន​ជនសង្ស័យ ​៣​នាក់​ ករណី​ហិង្សា​ដោយ​ចេតនា​ និង​បណ្ដាលឲ្យ​ហើម​ជាំ​លើ​ផ្ទៃមុខ​ជន​រង​គ្រោះ​ និង​វាយ​បំផ្លាញ​ទ្រព្យសម្បត្តិ​នៅ​ក្នុងផ្ទះ​ វេលា​ម៉ោង​ ៦​និង​៣០​នាទី​ កាលពី​ថ្ងៃ​ទី​២៩​ ខែមីនា​ ឆ្នាំ​២០២០​ ចំណុច​ភូមិ​ជី​ត្រេះ​ ឃុំ​អណ្ដូងទឹក​ ស្រុក​បទុម​សាគរ​ ខេត្តកោះកុង​ ។​

ជន​រង​គ្រោះ​ឈ្មោះ​ ឆេ​ង​ ណែ​ត​ ភេទ​ស្រី​ អាយុ​ ៣៧​ឆ្នាំ​ មាន​ទីលំនៅ​កន្លែង​កើតហេតុ​ខាងលើ​ (​ប្រពន្ធចុង​)​។​
​ជន​ស​ង្យ័​យឈ្មោះ​ អ៊ូ​ សេ​ ភេទ​ស្រី​​ (​ប្រពន្ធដើម​)​ និង​កូនៗ​ចំនួន​ ០៥​នាក់​ទៀត​ មិន​ស្គាល់ឈ្មោះ​ មាន​ទីលំនៅ​ភ​មិ​ថ្ម​ស​ ឃុំ​ថ្ម​ស​ បាន​នាំ​គ្នា​ព្រួត​ វាយ​ទៅ​លើ​ជន​រង​គ្រោះ​បណ្ដាលឲ្យ​ហើម​ជាំ​លើ​ផ្ទៃមុខ​ និង​វាយ​បំផ្លាញ​ទ្រព្យសម្បត្តិ​នៅ​ក្នុងផ្ទះ​ និង​បាន​វាយ​បំបែក​ទូ​ យក​ខ្សែដៃ​ មាស​មួយ​ខ្សែ​ មាន​ទម្ងន់​១​ដំឡឹង​,​ខ្សែ​ក​មាស​ ចំនួន​២​ខ្សែ​ ទម្ងន់​២​ដំឡឹង​៦​ជី​,​ចិ​ញ្ជៀ​ន​មាន​១​វង់​ ទម្ងន់​៣​ជី​ សរុប​ចំនួន​ទម្ងន់ ​៣​ដំឡឹង ​៩​ជី​ និង​ប្រាក់​ចំនួន​ ៩៥០​,០០០​ រៀល​ (​កៅសិប​ប្រាំ​ម៉ឺន​រៀល​)​។​ លុះ​ថ្ងៃ​ទី​៣០​ ខែមីនា​ ឆ្នាំ​២០២០ ករណី​ខាងលើ​នេះ​ បាន​ធ្វើការ​ស្រាវជ្រាវ​ស៊ើបអង្កេត​ និង​ឃាត់ខ្លួន​ ជន​ដៃដល់​បាន​ធ្វើ​សកម្ម​ភា​ពចំនួន ​០៣​នាក់​។

១/​ឈ្មោះ​ អ៊ូ​ សេ​ ភេទ​ស្រី​ អាយុ​ ៤៦​ឆ្នាំ​ (​ម្ដាយ​)។
២/​ឈ្មោះ​ ភ​ន​ ហៀ​ង​ ភេទ​ស្រី​ អាយុ​២៦​ឆ្នាំ​ (​កូនស្រី​)។
៣/​ឈ្មោះ​ ភ​ន​ ម៉ៅ​ ភេទ​ប្រុស​ អាយុ​២៥​ឆ្នាំ​ (​កូនប្រុស​)​។​

​ជនសង្ស័យ​ទាំង​៣​នាក់​ខាងលើ​ លោក​ព្រះរាជអាជ្ញា​ បាន​ឯកភាព​ឲ្យឃាត់ខ្លួន​ ដើម្បី​កសាង​សំណុំរឿង​ប​ញ្ជូន​ទៅ​ស្នងការដ្ឋាន​នគរបាល​ខេត្ត​ ចាត់ការ​តាម​នីតិវិធី​៕​

មតិយោបល់