ប៉ៃលិន: កាលពីវេលាម៉ោង ៩និង១០នាទីយប់ ថ្ងៃទី៩ ខែមេសា ឆ្នាំ២០២០ មានយុវជនម្នាក់បើកបរម៉ូតូក្នុងល្បឿនលឿនគ្រប់គ្រងចង្កូតលែងបាន បណ្ដាលឲ្យដួលរងរបួសធ្ងន់ បាក់ដៃខាងឆ្វេង នៅចំណុចភូមិថ្នល់ទទឹង ឃុំអូរអណ្ដូង ស្រុកសាលាក្រៅ ខេត្តប៉ៃលិន។
ជនរងគ្រោះឈ្មោះ ឃឹម អៀត ភេទប្រុស អាយុ ១៩ឆ្នាំ មានទីលំនៅក្នុងភូមិស្វាយស ឃុំកម្រៀង ស្រុកកម្រៀង ខេត្តបាត់ដំបង បើកបរម៉ូតូម៉ាក YAMAHA EXCITER ពណ៌ខ្មៅលាយបៃតង គ្មានផ្លាកលេខ ។
ក្រោយពីកើតហេតុជនរងគ្រោះ ត្រូវបានបញ្ចូនទៅមន្ទីរពេទ្យបង្អែកខេត្ត ដើម្បីសម្រាកព្យាបាល រីឯវត្ថុតាងត្រូវបាន យកមករក្សាទុកនៅអធិការដ្ឋាននគរបាលស្រុកសាលាក្រៅ រង់ចាំប្រគល់ជូនម្ចាស់វិញ៕
មតិយោបល់