បន្ទាយមានជ័យៈ កាលពីយប់ថ្ងៃទី០៩ ខែមេសា ឆ្នាំ២០២០ កម្លាំងមូលដ្ឋានកងរាជអាវុធហត្ថ បានចុះល្បាតក្នុងភូមិសាស្រ្តក្រុងប៉ោយប៉ែត រហូតដល់វេលាម៉ោង២៣ និង៣០នាទី ពេលទៅដល់ចំណុចក្បែរស្ពានរថភ្លើង ស្ថិតក្នុងភូមិក្បាលស្ពាន១ សង្កាត់/ក្រុងប៉ោយប៉ែត បានប្រទះឃើញមនុស្ស១ក្រុម ដោយមានការសង្ស័យ ទើបកម្លាំងអាវុធហត្ថ ធ្វើការត្រួតពិនិត្យ។

ជនសង្ស័យ១.ឈ្មោះ ជិន រស្មី ភេទប្រុស អាយុ២៧ឆ្នាំ ២.ឈ្មោះ ស៊ុ វ៉ាន់នី ហៅនី ភេទប្រុស អាយុ២៩ឆ្នាំ អ្នកទាំង០២ គ្មានទីលំនៅពិតប្រាកដ និង៣.ឈ្មោះ ចាន់ ងោល ភេទប្រុស អាយុ៤៣ឆ្នាំ បច្ចុប្បន្នរស់នៅភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។

ជនសង្ស័យទាំង០៣នាក់ ត្រូវបានសមត្ថកិច្ចឆែកឆេរ រកឃើញឧបករណ៍ សម្រាប់ប្រើប្រាស់គ្រឿងញៀន ជាបនឹងខ្លួន រួចក៏បញ្ជូនទៅបញ្ជាការមូលដ្ឋាន អាវុធហត្ថក្រុង ដើម្បីធ្វើការសាកសួរ។

ក្រោយពីសាកសួរ និងធ្វើតេស្តទឹកនោម ជាលទ្ធផលវិជ្ជមានទាំង០៣នាក់។

បច្ចុប្បន្នជនសង្ស័យ ត្រូវបានកម្លាំងជំនាញបទល្មើសគ្រឿងញៀន អាវុធហត្ថខេត្ត បញ្ជូនទៅសាលាដំបូងខេត្ត ចាត់ការតាមនីតិវិធី៕