កណ្តាលៈ នៅវេលាម៉ោង៩និង១០នាទីថ្ងៃទី២២ ខែមេសា ឆ្នាំ២០២០ មានករណីគ្រោះថ្នាក់ចរាចរណ៍ មួយកើតឡើងនៅលើចំណុចផ្លូវលេខ១១៦A ស្ថិតនៅក្នុងភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្តាល រវាងរថយន្តបែនខណៈបត់ថយក្រោយ កិនម៉ូតូ១គ្រឿង បណ្តាលឲ្យរងរបួសធ្ងន់ស្រី្តម្នាក់និងខូចខាតម៉ូតូ១គ្រឿង ។

ដំណើររឿង៖ នៅមុនពេលកើតហេតុ មានរថយន្តមួយគ្រឿងម៉ាក់ SCANiA ពណ៌ខ្មៅ ពាក់ផ្លាកលេខ ភ្នំពេញ3F. 1826 អត់ស្គាល់នូវអត្តសញ្ញាណ អ្នកបើកបរ (ក្រោយកើតហេតុ បានរត់គេចខ្លួន ស្រមោល) ។ លុះពេលមកដល់ចំណុចកើតហេតុ ក៏បានរយ៉ែរថយន្តត្រឡប់ថយក្រោយ ក៏បុកម៉ូតូមួយគ្រឿង(ដែលទិសដៅស្របគ្នា) ម៉ាក់ Honda dream 125 ពណ៌ ខ្មៅពាក់ផ្លាកលេខ កណ្តាល 1G5141 បើកបរដោយជនរងគ្រោះឈ្មោះ សាន ម៉ុន ភេទស្រី អាយុ៦៦ឆ្នាំ ជនជាតិ មានទីលំនៅ ភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល (របួសធ្ងន់)ត្រូវបានរថយន្តសង្រ្គោះដឹកបញ្ជូនទៅកាន់មន្ទីរពេទ្យរាជធានីភ្នំពេញ ដើម្បីព្យាបាល ភ្លាមៗផងដែរ ។

ចំណែកវត្ថុតាង ម៉ូតូនិងរថយន្ត ត្រូវបានកម្លាំងជំនាញចុះសហការជាមួយកម្លាំងប៉ុស្តិ៍ ធ្វើការវាស់វែងយកទៅរក្សាទុក ជាបណ្តោះអាសន្ននៅអធិការដ្ឋាននគរបាលស្រុកកៀនស្វាយ ដើម្បីបន្តចាត់ការតាមនីតិវិធី ៕