កណ្ដាលៈ យោងតាមផេកការិយាល័យផ្សព្វផ្សាយ តាមបណ្តាញសង្គម បានឲ្យដឹងថា ថ្ងៃទី២៣ ខែមេសា ឆ្នាំ២០២០ វេលាម៉ោង០៧ និង៣០នាទី ចំណុចរោងចាំចំការស្វាយ ស្ថិតនៅភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល។

ជនសង្ស័យឈ្មោះ ម៉ិច មករា ភេទស្រី អាយុ៣៥ឆ្នាំ ជនជាតិខ្មែរ ស្នាក់នៅក្នុង ភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល មុខរបរ កសិករ។

វត្ថុតាងចាប់យក៖ ១/ម៉្សៅក្រាមសថ្លា សង្ស័យជាសារធាតុញៀន ចំនួន០២ កញ្ចប់តូច
២/ម៉ូតូហុងដាចំនួន ០១គ្រឿង
ពណ៌ខ្មៅ1C-5667 កណ្តាល។
៣/ដាវដែកចំនួន០១ដើម និងសម្ភារវិចខ្ចប់ និង ប្រើប្រាស់ជក់ថ្នាំញៀនមួយចំនួនទៀត។

សភាពរឿងហេតុ កាលពីថ្ងៃទី២៣ខែមេសាឆ្នាំ២០២០ វេលាម៉ោង០៧ និង៣០នាទី មានប្រជាពលរដ្ឋល្អ បានរាយការណ៍ថា មកសមត្ថកិច្ចថាមានមុខសញ្ញា ០២នាក់ប្តី ប្រពន្ធ បានមកស្នាក់នៅក្នុងរោងចាំចំការស្វាយ ស្ថិតក្នុងភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល។ ហើយបានធ្វើសកម្មភាពជួញដូរថ្នាំញៀនយ៉ាងសកម្មនៅទីកន្លែងនោះ។

ក្រោយពេលទទួលបានពត៌មានរួច លោកវរសេនិយ៍ឯក ស៊ីម ឃាង អធិការនគរបាលស្រុកកោះធំ បានបញ្ជាឲ្យផ្នែកប្រឆាំងបទល្មើសគ្រឿងញៀន ចុះទៅសហការគ្នា ជាមួយកម្លាំងប៉ុស្តិ៍នគរបាលព្រែកថ្មី ដោយបានចុះបង្ក្រាបឃាត់ខ្លួនបានជនសង្ស័យឈ្មោះ ម៉ិច មករា ដែលត្រូវជាប្រពន្ធរបស់ជនសង្ស័យឈ្មោះ ធួក ថា ភេទប្រុស អាយុ៤១ឆ្នាំ ដែលបាន រត់គេចខ្លួនបាត់ចេញពីកន្លែងកើតហេតុ ហើយបានបន្សល់ទុកនៅថ្នាំញៀនចំនួន០២ កញ្ចប់តូច ហើយនិងដាវដែកចំនួន០១ដើម និងម៉ូតូហុងដាសង់ចំនួន០១គ្រឿង ព្រមទាំងសម្ភារវិចខ្ចប់ប្រើប្រាស់ជក់ថ្នាំញៀនមួយចំនួនទៀត។

នៅចំពោះមុខសមត្ថកិច្ចជនសង្ស័យខាងលើនេះ បានឆ្លើយសារភាពថា ចំពោះថ្នាំញៀនចំនួន០២កញ្ចប់តូច នេះគឺប្តីរបស់គាត់ជាអ្នកទៅទិញយក មកទុកលក់ចែកចាយបន្តហើយនិងទុកប្រើប្រាស់ផ្ទាល់ខ្លួនឯងផង៕