ផ្ទះ ព័ត៌មានជាតិ រថយន្តលុចស៊ីស...

រថយន្តលុចស៊ីសHS250hពាក់ស្លាក លេខខេមរភូមិន្ទ 01 2.9526បុករះចិញ្ចើមផ្លូវនិងរបាំងថ្មពុះចែកទ្រូងផ្លូវបាក់អស់៣កង់រថយន្តខូចខាងមុខយ៉ាងដំណំ

0

ភ្នំពេញ: បុរសម្នាក់បានបើករថយន្ត យ៉ាងលឿនដល់ផ្លូវបត់បួងចង្កូតមកឆ្វេងដៃ
ខ្លាំងពេកក៏ជ្រុលទៅបុក ចិញ្ចើមផ្លូវបណ្តាលឲ្យបាក់បែកថ្មចិញ្ចើមផ្លូវអស់ជាច្រើនដុំហើយ
រថយន្តក៏រេចង្កូតបន្តទៅបុករបាំងថ្មពុះចែក ទ្រូងផ្លូវបាក់អស់៣កង់ បន្ថែមទៀត
រថយន្តខ្ទេចមួយកំណាត់មុខទៅមុខលែងរួច ។

ហេតុការណ៍នេះបានកើតឡើងកាលពី វេលា ម៉ោង ៩និង៣០នាទីយប់ថ្ងៃទី២ ខែ ឧសភា ឆ្នាំ ២០២០ត្រង់ចំណុច មុខការ៉ាស់ សាំង Pttតាមបណ្តោយផ្លូវឧកញ៉ាម៉ុងរិទ្ធី ក្នុងភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

រថយន្តបង្កម៉ាកលុចស៊ីសHS250h ពណ៌ស ពាក់ស្លាក លេខខេមរភូមិន្ទ 01 2.9526។

ប្រភពបានឲ្យដឹងថាមុនពេលកើតហេតុគេឃើញ រថយន្តម៉ាកលុចស៊ីស HS250hមួយគ្រឿងបើកតាមបណ្ដោយផ្លូវ លេខ ១០០៣ទិសដៅពីត្បូងទៅជើង យ៉ាងលឿន ខណ:មកដល់ស្តុបផ្លូវ ឧកញ៉ាម៉ុងរិទ្ធី មិនបង្អង់ក៏បួងចង្កូតមកខាងឆ្វេងដៃ បត់ទៅទិសខាងលិច ខ្លាំងពេកក៏ជ្រុលទៅបុក ចិញ្ចើមផ្លូវនៅមុខការ៉ាស់សាំងPttបណ្តាលឲ្យបាក់ថ្មអស់ជាច្រើនដុំ ហើយរថយន្តក៏រេចង្កូតទៅបុករបាំងថ្មពុះចែក ទ្រូងផ្លូវបន្ថែមទៀតបាក់អស់ ៣កង់ រថយន្តខូចខាតផ្នែកខាងមុខ យ៉ាងដំណំ ទៅមុខលែង រួច តែមិនបង្កឲ្យនរណាម្នាក់រងរបួសនោះទេ។ភ្លាមៗគេឃើញតៃកុងរថយន្តបានបើកទ្វារចុះរត់បាត់ ស្រមោល។

ក្រោយពេលកើតហេតុសមត្ថកិច្ចជំនាញចុះមកស្ទូចយករថយន្តបង្កទៅរក្សាទុកនៅចរាចរណ៍ជើងគោករាជធានីភ្នំពេញដើម្បី រង់ចាំដោះស្រាយគ្នានៅពេលក្រោយ៕

មតិយោបល់