កណ្ដាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យម្នាក់ត្រូវបាននគរបាលស្រុកកណ្ដាលស្ទឹងចាប់ខ្លួន បន្ទាប់ពីជនសង្ស័យរូបនេះ បានវាយម្ដាយឪពុក រួមទាំងវាយអ្នកជិតខាងម្នាក់ទៀត បណ្ដាលឲ្យរបួសយ៉ាងដំណំ ព្រោះខឹងម្ដាយសួរនាំបន្តិចបន្តួច ។ ករណីនេះបានកើតឡើងនៅវេលាម៉ោង ១៤និង៣០នាទីថ្ងៃទី៣ ខែឧសភា ឆ្នាំ២០២០ នៅចំណុចភូមិប្រឡាយ ឃុំបឹងខ្យាង ស្រុកកណ្ដាលស្ទឹង ខេត្តកណ្តាល ។
មន្ត្រីនគរបាលស្រុកកណ្ដាលស្ទឹងបានឲ្យដឹងថា៖ ជនសង្ស័យចាប់ខ្លួនឈ្មោះ រុណ ដារ៉ា ភេទប្រុស អាយុ ២១ឆ្នាំ ជនជាតិខ្មែរ រីឯជនរងគ្រោះមានគ្នា៣នាក់ ទី១.ឈ្មោះ ស៊ឹម ចិន្តា ភេទស្រី អាយុ៥១ ឆ្នាំជនជាតិខ្មែរ (ត្រូវជាម្ដាយជនសង្ស័យ) ទី២.ឈ្មោះ ប្រុក សារិន ភេទប្រុស អាយុ ៥២ឆ្នាំ (ត្រូវជាឪពុកជនសង្ស័យ)និងទី៣.ឈ្មោះ កឹម វណ្ណី ភេទស្រី អាយុ៦០ឆ្នាំ ។ ជនរងគ្រោះនិងជនសង្ស័យមានទីលំនៅភូមិ ប្រឡាយ ឃុំបឹងខ្យាង ស្រុកកណ្តាលស្ទឹង ខេត្តកណ្ដាល ។
ចំណែកវត្ថុតាងដកហូតបានពូថៅដៃចំនួន១(ផ្លែដែក ដងឈើប្រវែង៣២សង់ទីម៉ែត្រ និងសម្ភារ:ខូចខាតរួមមាន៖ ស្តូបដាក់ធាតុចំនួនមួយ,ទ្វាដែកផ្ទះបាយចំនួនមួយ ។
ប្រភពដដែលបន្តថា៖ នៅថ្ងៃកើតហេតុខាងលើជនសង្ស័យបានធ្វើឲ្យកង់ដួលនៅមុខផ្ទះ ពេលនោះជនរងគ្រោះជាម្តាយបានសួរនាំជនសង្ស័យពីរឿងដួលកង់ ស្រាប់តែជនសង្ស័យបានយកដុំឥដ្ឋប្រហោងវាយក្បាលជនរងគ្រោះ បណ្តាលឲ្យពក បន្ទាប់មកជនរងគ្រោះជាម្តាយបានរត់ទៅពួននៅផ្ទះអ្នកជិតខាងបាត់ទៅ រួចជនសង្ស័យបានយកដុំថ្មវាយកក្បាលជនរងគ្រោះជាឪពុក បណ្តាលឲ្យបែកហូរឈាម និងបានវាយបំផ្លិចបំផ្លាញទ្រព្យសម្បត្តិក្នុងផ្ទះ ។ បន្ទាប់មកទៀតជនសង្ស័យបានរត់ចូលទៅផ្ទះអ្នកជិតខាងដែលជាជនរងគ្រោះឈ្មោះ សំ សុវណ្ណារី ដោយកាន់ពូថៅជាប់និងដៃទៅជាមួយផង ភ្លាមនោះជនសង្ស័យបានធាក់ទ្វាដែកផ្ទះបាយបណ្តាយឲ្យដាច់ត្រចៀកទ្វា របើកត្រូវចំមុខជនរងគ្រោះដែលឈរក្បែរនោះដួលផ្ងារក្រោយរងរបួសបែកមុខ និងបែកក្បាលពីក្រោយហូរឈាម ។ បន្ទាប់មកជនរងគ្រោះត្រូវបានក្រុមគ្រួសារដឹកយកទៅព្យាបាលនៅមណ្ឌលសុខភាពបឹងខ្យាង ។
ក្រោយពីទទួលព័ត៌មានខាងលើ ភ្លាមនោះកម្លាំងប៉ុស្តិ៍នគរបាលរដ្ឋបាលបឹងខ្យាង បានចុះដល់ចំណុចកើតហេតុ ឃាត់ខ្លួនជនសង្ស័យបញ្ជូនមកកាន់អធិការដ្ឋានអនុវត្តតាមនិតិវិធី ៕
មតិយោបល់