កណ្ដាលៈ នៅថ្ងៃទី២៨ ខែមេសា ឆ្នាំ២០២០ វេលាម៉ោង ១១និង៣០នាទី ករណីលួច (គាស់ផ្ទះយកទ្រព្យសម្បត្តិ) ចំណុចភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្តាល ។

ជនរងគ្រោះឈ្មោះ ឡាយ សុខនី ភេទស្រី អាយុ ៣៥ឆ្នាំ ជនជាតិខ្មែរមានទីលំនៅភូមិ-ឃុំកើតហេតុ ។

ជនសង្ស័យ ០៣នាក់៖
១.ឈ្មោះ សាំង សំរេច ភេទប្រុស អាយុ ២១ឆ្នាំ ជនជាតិ ខ្មែរ មានលំនៅភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ឃាត់ខ្លួន។
២.ឈ្មោះ ណុល ណា ហៅ ខ្នា ភេទប្រុស អាយុ ១៧ឆ្នាំ ជនជាតិ ខ្មែរ មុខរបរ មិនពិតប្រាកដ មានលំនៅភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ឃាត់ខ្លួន។
៣.ឈ្មោះ ឆឹង បញ្ញា ភេទប្រុស អាយុ ១២ឆ្នាំជនជាតិ ខ្មែរ មុខរបរ មិនពិតប្រាកដ មានលំនៅភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។

សម្ភារៈបាត់បង់៖
១.ធុងបាស់ទំហំ៤ តឹក ០២ គ្រាប់
២.ឆ្នាំងបាយអគ្គិសនី០១
៣.ចង្ក្រានហ្គាសតូច០១
៤.ធុងទឹកកកធុនកណ្តាល០១ ។

សភាពនៃរឿងហេតុ៖ នៅថ្ងៃខែឆ្នាំនិងម៉ោងខាងលើឈ្មោះ នូ សំអ៊ន ភេទប្រុស អាយុ ៤០ឆ្នាំ ត្រូវជាប្អូនជីដូនមួយរបស់ជនរងគ្រោះ ដែលមានផ្ទះនៅជិតគ្នាបានឮសូរសំឡេងក្ឌូងក្ឌាំង នៅលើផ្ទះជនរងគ្រោះ (ឡាយ សុខនី) ប៉ុន្តែឈ្មោះ នូ សំអ៊ន និងប្រពន្ធរបស់ខ្លួន មិនបានទៅប្រាប់ជនរងគ្រោះទេ ព្រោះជនរងគ្រោះដេកនៅផ្ទះម្តាយរបស់ខ្លួនដែលនៅឆ្ងាយ ពីផ្ទះកើត
ហេតុប្រហែល ៣០០ម៉ែត្រ។ លុះដល់ ម៉ោងប្រមាណ ៥និង១០នាទីព្រឹក ថ្ងៃទី២៩ ខែមេសា ឆ្នាំ២០២០ នៅតែឮសំឡេងដដែលទៀត ទើបដាស់កូនប្រុស ឈ្មោះ សន សំអាត អាយុ ១៣ឆ្នាំ ឲ្យជិះកង់ទៅប្រាប់ឈ្មោះ ឡា សុខនី(ជនរងគ្រោះ)ថា
មានចោរចូលគាស់ផ្ទះ ឮដូច្នោះជនរងគ្រោះឈ្មោះ ឡាយ សុខនី ជាម្ចាស់ផ្ទះ មកដល់ឈរមើលពីក្រៅរបងផ្ទះខាងមុខឃើញស្នាមគាស់ពិដានផ្ទះ និងហោជាងផ្ទះ ចំណែកជនរងគ្រោះមិនបានចូលទៅក្នុងផ្ទះមើលទេហើយបានដើរទៅមើលក្រោយផ្ទះ ស្រាប់តែឃើញ ឈ្មោះ សាំង សំរេច ភេទប្រុស កំពុងលូនចេញតាមបង្អួចផ្នែកខាងក្រោយផ្ទះចុះមកលើដំបូលបន្ទប់ទឹករួចផ្លោះរបង រត់គេចខ្លួន តែត្រូវបងប្អូនជនរងគ្រោះបានស្រែកថាចោរៗហើយនាំ
គ្នារត់ដេញចាប់ឈ្មោះ សាំង សំរេច ភេទប្រុស យកមកប្រគល់ឲ្យសមត្ថកិច្ចប៉ុស្តិ៍នគរបាលរដ្ឋបាលភូមិធំ ដើម្បីសួរនាំ និងអនុវត្តតាមនីតិវិធីច្បាប់ ។ នៅចំពោះមុខសមត្ថកិច្ចជនសង្ស័យឈ្មោះ សាំង សំរេច បានឆ្លើយសារភាពថា ខ្លួននិងបក្ខពួកពីរនាក់ទៀតខាងលើ ពិតជាបានចូលទៅក្នុងផ្ទះរបស់ជនរងគ្រោះ ដើម្បីលួចទ្រព្យសម្បត្តិពិតប្រាកដមែន តែជនសង្ស័យ ២នាក់ខាងលើ បានចេញពីក្នុងផ្ទះជនរងគ្រោះមុន ចំណែកខ្លួនបានដេកលក់រហូតដល់ព្រឹកឡើងត្រូវបានម្ចាស់ផ្ទះព័ទ្ធចាប់ខ្លួនយកមកប្រគល់ជូនសម្ថកិច្ច៕