កោះកុង: យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា ថ្ងៃសុក្រ ១៤រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែមិថុនា ឆ្នាំ២០២០ នៅវេលាម៉ោង១៨និង៤៥នាទី មានករណីគ្រោះថ្នាក់ចរាចរណ៍ នៅលើផ្លូវ៤៨ ចន្លោះបង្គោkm១១ -១២ ស្ថិតក្នុងភូមិសាលាម្នាង ឃុំបឹងព្រាវ ស្រុកស្រែអំបិល រវាងរថយន្តបុកម៉ូតូ ជិះបញ្ច្រាសទិសគ្នា ។
រថយន្តធ្វើដំណើពីត្បូងទៅជើងមិនស្គាល់បានរត់គេចខ្លួន ពេលបុកម៉ូតូម៉ាក វ៉េវ ពណ៌ក្រហម គ្មានផ្លាកលេខ បើកបរដោយមនុស្សប្រុស មិនស្គាល់ឈ្មោះ ពាក់អាវស ឆ្នូត ដៃវែង ខោខ្មៅ ជើងវែង សក់វែងស្មើក ធ្វើដំណើពីជើង ទៅត្បូង បានបើកចូលទៅចំណែកផ្លូវមួយចំហៀងទៀត របស់រថយន្តបញ្ច្រាសទិស ត្រូវបានរថយន្តបុកស្លាប់នៅ នឹងកន្លែងកើតហេតុ ។
សាកសពមិនស្គាល់អត្តសញ្ញាណនិងរកក្រុមគ្រួសារមិនទាន់ឃើញ ។
សាកសពតម្កល់ទុកនៅវត្តសាលាម្នាង ភូមិសាលាម្នាង ឃុំបឹងព្រាវ ស្រុកស្រែអំបិល ខេត្តកោះកុង៕
មតិយោបល់