ភ្នំពេញៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំងនគរបាលខណ្ឌដូនពេញ ចាប់ឃាត់ខ្លួនជនសង្ស័យ០៣នាក់ ករណីលួចមានស្ថានទម្ងន់ទោស (វាយប្លន់យកទូរស័ព្ទដៃ) នៅចំណុចមុខផ្ទះលេខ៩អា៦ ផ្លូវ៨៦ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីវេលាម៉ោង០៣ និង៣០នាទី ថ្ងៃទី០៧ ខែកក្កដា ឆ្នាំ២០២០ ។

មន្ត្រីនគរបាលខណ្ឌដូនពេញ បានឲ្យដឹងថា ជនសង្ស័យទាំង០៣រួមមាន ៖ ១-ឈ្មោះ ហឿម ភីម ភេទស្រី អាយុ២១ឆ្នាំ ជនជាតិខ្មែរ មុខរបរ (រកស៊ីផ្លូវភេទ) ទីលំនៅមិនពិតប្រាកដ(ឃាត់ខ្លួន) ។ ២-ឈ្មោះ វ៉ុន ដេត ភេទប្រុស អាយុ២៩ឆ្នាំ ជនជាតិខ្មែរ មុខរបររត់ម៉ូតូឌុប ទីលំនៅមិនពិតប្រាដក (ឃាត់ខ្លួន) ។ ៣-ឈ្មោះ ណាត ម៉ានាត ភេទប្រុស អាយុ២០ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ (ឃាត់ខ្លួន) ។ (ទាំង០៣នាក់មានសារធាតុញៀនក្នុងទឹកនោម) ។ ចំណែកឯជនរងគ្រោះឈ្មោះ ធា ចំណាប់ ភេទប្រុស អាយុ១៩ឆ្នាំ ជនជាតិខ្មែរ មុខរបរបុគ្គលិកហាងមីតអ៊ែនអ៊ីត ស្នាក់នៅហាងមីតអ៊ែនអ៊ីត ផ្លូវលេខ៦៣ កែង២៥២ សង្កាត់ចតុមុខ ខណ្ឌដូនពេញ រាជធានីភ្នំពេញ ។

វត្ថុតាងរួមមាន ៖ ១-ទូរស័ព្ទដៃមួយគ្រឿងម៉ាក OPPO F9 ពណ៌ខៀវ (ប្រគល់ឲ្យជនរងគ្រោះយកទៅរក្សាទុកជាបណ្តោះអាសន្ន) ។ ២-ម៉ូតូមួយគ្រឿងម៉ាក VIVA 110 ពណ៌ក្រហមលាយខ្មៅ ផ្លាកលេខ ភ្នំពេញ 1O-7655 លេខតួ+លេខម៉ាស៊ីន104962 (ជារបស់ជនសង្ស័យឈ្មោះ វ៉ុន ដេត) ។

ប្រភពដដែលបានបន្តថា ៖ នៅថ្ងៃទី០៧ ខែកក្កដា ឆ្នាំ២០២០ វេលាម៉ោង០៣ និង៣០នាទី ជនរងគ្រោះឈ្មោះ បានជិះម៉ូតូ ចេញពីហាងនៅមួយសង្កាត់ចតុមុខ ខណ្ឌដូនពេញ មករកស្ត្រីរកស៊ីផ្លូវភេទនៅម្តុំវត្តភ្នំ ពេលមកដល់បានជួបជនសង្ស័យ រួចតថ្លៃត្រូវរូវគ្នាតម្លៃ១០$ (ដប់ដុល្លាអាមេរិក) ហើយជនរងគ្រោះបានដឹកជនសង្ស័យ ទៅដេកនៅផ្ទះសំណាក់មួយកន្លែង នៅម្តុំខណ្ឌទួលគោក ពេលទៅដល់ផ្ទះសំណាក់ ជនសង្ស័យបានខ្ចីទូរស័ព្ទដៃជនរងគ្រោះស្តាប់ចម្រៀងលេង ពេលនោះជនរងគ្រោះបានសុំយកទូរស័ព្ទវិញ តែជនសង្ស័យមិនព្រមឲ្យ ដោយកុហក់ថា ដឹកខ្លួនដល់ផ្ទះបានឲ្យទូរស័ព្ទ ខណៈជនរងគ្រោះដឹកមកដល់ចំណុចមុខផ្ទះលេខ៩អា៦ ផ្លូវលេខ៨៦ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ ជនសង្ស័យបានលោតចុះពីលើម៉ូតូ យកទូរស័ព្ទរត់គេច ត្រូវបានជនរងគ្រោះចាប់ប្រទាញប្រទុង ភ្លាមនោះបក្ខពួកជនសង្ស័យឈ្មោះ ណាត ម៉ានាត និងឈ្មោះ វ៉ុន ដេត បានជិះម៉ូតូម៉ាក VIVA 110 ពណ៌ក្រហមលាយខ្មៅ ផ្លាកលេខ ភ្នំពេញ 1O-7655 មកវាយលើជនរងគ្រោះ ដឹករំដោះបក្ខពួកគេចខ្លួន ។

ក្រោយពីទទួលបានព័ត៌មាន កម្លាំងជំនាញខណ្ឌ ប៉ុស្តិ៍ សហការជាមួយជនរងគ្រោះធ្វើការស្រាវជ្រាវ លុះវេលាម៉ោង០៨ និង៣០នាទី នាថ្ងៃខែឆ្នាំដដែល ឃើញជនសង្ស័យទាំង០៣នាក់នៅចំណុចផ្លូវបេតុង ភូមិ២២ សង្កាត់ស្រះចក ខណ្ឌដូនពេញ រាជធានីភ្នំពេញ ធ្វើការឃាត់ខ្លួន រួមនឹងវត្ថុតាង យកមកប៉ុស្តិ៍នគរបាលរដ្ឋបាលស្រះចក ធ្វើការសាកសួរ ។

បច្ចុប្បន្នជនសង្ស័យ ត្រូវបានកម្លាំងជំនាញបញ្ជូនខ្លួនមកកាន់អធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងចាត់ការតាមនិតិវិធី ៕