ព្រះវិហារៈ កាលពីវេលាម៉ោង ៣និង៣៥នាទីរសៀល នាថ្ងៃទី៣០ ខែកក្កដា ឆ្នាំ២០២០ នៅលើដងផ្លូវជាតិលេខ៦២ ត្រង់ចំណុចតាកឹង ខាងត្បូងជិតខ្ទមអ្នកតា ស្ថិតក្នុងភូមិសាស្ត្រ ភូមិថ្នល់បែក ឃុំថ្មី ស្រុកគូលែន ខេត្តព្រះវិហារ មានករណីគ្រោះថ្នាក់ចរាចរណ៍ក្រឡាប់រថយន្តបង្កឡើងដោយខ្លួនឯង។

រថយន្តប្រភេទ កាមរីស្វិត ពណ៌ស ពាក់ស្លាកលេខ ច-8072 ភព២ អ្នកបើកបរឈ្មោះ មុំ សុផាន់ណា ភេទប្រុស អាយុ ៣០ឆ្នាំ (ប្ដី) រងរបួសរួមមាន៖
២. ឈ្មោះ ឈិន ឡុងស៊ីម ភេទស្រី អាយុ ២៧ឆ្នាំ ត្រូវជាប្រពន្ធអ្នកបើកបរ។
៣. ឈ្មោះ រឿម វិចិត្រា ភេទស្រី អាយុ៨ខែ ត្រូវជាកូន។
៤. ឈ្មោះ គឹម ឡុង ភេទស្រី អាយុ ៥០ឆ្នាំ ត្រូវជាម្ដាយក្មេកតៃកុងរថយន្ត។
ទាំង ៤នាក់ រស់នៅភូមិទឹកក្រហម ឃុំទឹកក្រហម ស្រុកជាំក្សាន្ត ខេត្តព្រះវិហារ។

មូលហេតុ៖ ដឹកប្រពន្ធមកកាន់មន្ទីរពេទ្យ ប៉ុន្តែរថយន្តជាប់ហ្វ្រាំង រួចក៏បានបោកធ្លាក់ទៅម្ខាងផ្លូវ បណ្ដាលឲ្យក្រឡាប់ និងមនុស្សរងរបួសតែម្ដង។

ក្រោយពីកើតហេតុសមត្ថកិច្ច ចុះដល់ទីតាំងបញ្ជូនរងគ្រោះទៅសម្រាកព្យាបាលនៅមន្ទីរពេទ្យ ចំពោះវត្ថុតាង ត្រូវបានកម្លាំងជំនាញវាស់វែង យកទៅរក្សាទុកនៅប៉ុស្តិ៍នគរបាលរដ្ឋបាលថ្មី រង់ចាំម្ចាស់ជាស្រួលបួល មកទទួលយកទៅជួសជុល៕