ផ្ទះ ព័ត៌មានជាតិ សូមប្រុងប្រយ័...

សូមប្រុងប្រយ័ត្ន! ម្សៅទឹកដោះនូទ្រីលែត (Nutrilatt) ៣កំប៉ុង និងម៉ាកដទៃទៀត ចំនួន ៤៥កំប៉ុង ត្រូវមន្ត្រីជំនាញរកឃើញ

0

ត្បូងឃ្មុំ: នៅថ្ងៃច័ន្ទ ១២រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៤ ខែកញ្ញា ឆ្នាំ២០២០ នេះ មន្ត្រីសាខា ក.ប.ប. ខេត្តត្បូងឃ្មុំ ដោយទទួលបានការសហការពីមន្ត្រីមន្ទីរពាណិជ្ជកម្មខេត្ត និងគណ:កម្មការផ្សារ បានបន្តចុះត្រួតពិនិត្យគុណទំនិញ និងត្រួតពិនិត្យផលិតផលម្សៅទឹកដោះគោ តាមសេចក្តីជូនដំណឹងរបស់ក្រសួងពាណិជ្ជកម្ម លេខ ២៧៣៣ ពណ. អ.កបប ចុះថ្ងៃ០៣ ខែកញ្ញា ២០២០ ស្តីពីការដាក់ចេញនូវវិធានការចំពោះផលិតផលម្សៅទឹកដោះគោសម្រាប់ចិញ្ចឹមទារក និងកុមារ ម៉ាកនូទ្រីលែត (Nutrilatt) ដែលមានលេខកូជ ៤៨៧, ៤៨៨, ៥៣៦, ៥៣៧, ៥៣៨, ៥៣៩ ក្នុងផ្សារមេមត់ ស្ថិតក្នុងស្រុកមេមត់ ខេត្តត្បូងឃ្មុំ។

ក្នុងសកម្មភាពនេះ មន្ត្រីជំនាញបានធ្វើការត្រួតពិនិត្យរកភាពមិនអនុលោមនៅលើសំបកវេចខ្ចប់ផលិតផល និងស្លាដក ជាពិសេស មន្ត្រីសាខា ក.ប.ប. បានផ្សព្វផ្សាយអនុក្រឹត្យលេខ១៣៣ ស្តីអំពីផលិតផលចិញ្ចឹមទារក និងកុមារ លើសម្បកវេចខ្ចប់ម្សៅទឹកដោះគោផងដែរ។

*ជាលទ្ធផលមន្រ្តីជំនាញរកឃើញម្សៅទឹកដោះគោនូទ្រីលែត (Nutrilatt) កូជលេខ ៥៣៧ សរុបចំនួន ៣កំប៉ុង ត្រូវបានមន្រ្តីជំនាញធ្វើការដកហូតបញ្ជូនមកអគ្គនាយកដ្ឋាន។ ដោយឡែក ម្សៅទឹកដោះគោដទៃទៀត ដែលមិនស្ថិតក្នុងលេខកូជខាងលើ ចំនួនសរុប ៤៥កំប៉ុង បានត្រូវមន្រ្តីជំនាញបានត្រូវធ្វើកំណត់ហេតុបញ្ឈប់ការដាក់តាំងលក់បណ្តោះអាសន្ន។

ក្នុងឱកាសនេះដែរ មន្ត្រីសាខា ក.ប.ប. ខេត្តត្បូងឃ្មុំបានយកចិត្តទុកដាក់បញ្ជាក់បង្ហាញជូនដល់ក្រុមអាជីវករ ទាំងអស់ឱ្យបានយល់ច្បាស់អំពី ច្បាប់បទបញ្ញាតិពាក់ពន្ធ័ដើម្បីចូលរួមលើកកម្ពស់សុខមាល ភាពជូនដល់ប្រជាពលរដ្ឋ៕

មតិយោបល់