ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនសន្តិសុខកាស៊ីណូប្លាទីនអន្តរជាតិម្នាក់ ករណីហិង្សាយកកាំបិតចុងស្រួចចាក់ទៅលើជនរងគ្រោះ បណ្ដាលឲ្យស្លាប់ពេលបញ្ជូនទៅពេទ្យ

0

ព្រះសីហនុ: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នាថ្ងៃអង្គារ​ ១២កើត ខែអស្សុជ ឆ្នាំជូត ទោស័កព.ស.២៥៦៤ ត្រូវនឹងថ្ងៃទី២៩​ ខែកញ្ញា​ ឆ្នាំ២០២០ វេលាម៉ោង ២៣និង០០នាទី​មានករណីហិង្សាមានស្ថានទម្ងន់ទោសបណ្តាលឲ្យជនរងគ្រោះស្លាប់​ នៅខាងក្រោយសណ្ឋាគារខ្សាច់ស ក្នុងភូមិ៤ សង្កាត់៤ ក្រុងព្រះសីហនុ ។

ជនសង្ស័យឈ្មោះ ហ៊ាប រតនា ភេទប្រុស អាយុ ២១ឆ្នាំ មុខរបរសន្តិសុខកាស៊ីណូប្លាទីនអន្តរជាតិ បានយកកាំបិតចុងស្រួចចាក់ទៅលើ ឈ្មោះ អេល ហាម៉ាត់ ភេទប្រុស អាយុ២៤ឆ្នាំ ជនជាតិខ្មែរឥស្លាម មុខរបរដូចគ្នា ត្រូវចំគល់ដោះខាងឆ្វេងបណ្តាលឲ្យរបួសធ្ងន់ ហើយបានស្លាប់ពេលបញ្ជូនមកដល់មន្ទីរពេទ្យបង្អែកខេត្ត ។

ប្រភពព័ត៌មាន​បានឲ្យដឹងថា​ករណីនេះបណ្ដាលមកពីជនរងគ្រោះ​ និងជនសង្ស័យមានទំនាស់គ្នាពេលប្រចាំការនិងធ្វើអនាម័យនៅកន្លែងយាម ។

បច្ចុប្បន្នជនសង្ស័យត្រូវបានកម្លាំងជំនាញឃាត់ខ្លួន រួមនឹងវត្ថុតាងកាំបិតចុងស្រួច១ដើម (អាវុធធ្វើសកម្មភាព) ដើម្បីចាត់ការតាមនីតិវិធី។

មតិយោបល់