កំពង់ស្ពឺ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា សេចក្តីរាយការណ៍ពីនគរបាលខេត្តកំពង់ស្ពឺ បានឱ្យដឹងថាក្មេងប្រុស ២នាក់ បានលង់ទឹកប្រឡាយកាយធ្វើផ្លូវបណ្តាលឱ្យស្លាប់។ ហេតុការណ៍បានបង្កការភ្ញាក់ផ្អើល នៅថ្ងៃទី១៦ ខែតុលា ឆ្នាំ២០២០ វេលាម៉ោង១២និង០០នាទី នៅភូមិជុំពូព្រឹកចម្ងាយ១២០ម ស្ថិតនៅក្នុងចំណុចភូមិជំពូព្រឹក ឃុំជំពូព្រឹក ស្រុកឧដុង្គ ខេត្តកំពង់ស្ពឺ។

ប្រភពដដែលបន្តថាជនរងគ្រោះ(សព)ទី១.ឈ្មោះ ថន អាយុ៤ឆ្នាំ ភេទប្រុស និងទី២.ឈ្មោះ អឿន ណាត ភេទប្រុស អាយុ៥ឆ្នាំ រស់នៅភូមិ-ឃុំកើតហេតុជាមួយគ្នា។ មូលហេតុ៖ជនរងគ្រោះដើរលេងម្តាយមិនដឹងហើយចុះងូតទឹកលេងលង់​ បណ្ដាលឲ្យស្លាប់ទាំង២នាក់។

ក្រោយកើតហេតុកម្លាំងនគរបាលមូលដ្ឋានបានចុះដល់កន្លែងកើតហេតុ និងបានធ្វើកោសល្យវិច្ច័យក្មេងទាំង២នាក់ខាងលើ ពិតជាបានស្លាប់ដោយសារលង់ទឹកពិតប្រាកដមែន។ បច្ចុប្បន្នសព ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕