ព័ត៌មានជាតិ

ប៉េអឹមស្រុកសំរោងឃាត់ខ្លួនជនសង្ស័យ២នាក់ រួមនឹងថ្នាំញៀន១៦កញ្ចប់

តាកែវ: កម្លាំងមូលដ្ឋានកងរាជអាវុធហត្ថស្រុកសំរោង បានធ្វើការបង្ក្រាបករណីរក្សាទុក និងចែកចាយនូវសារធាតុញៀនចំនួន១លើក  ឃាត់ខ្លួនបានជនសង្ស័យចំនួន២នាក់ និងថ្នាំញៀន១៦កញ្ចប់កាលពីវេលាម៉ោង១១និង៣០នាទី ថ្ងៃទី៧ ខែសីហា ឆ្នាំ២០១៦ ស្ថិតនៅចំណុចភូមិត្រពាំងវែង ឃុំបឹងក្រាញ់ខាងត្បូង ស្រុកសំរោង ខេត្តតាកែវ ។

មន្រ្តីកងរាជអាវុធហត្ថបានឲ្យដឹងថា មុននឹងឈានទៅដល់ការឃាត់ ខ្លួនជនសង្ស័យនេះ កម្លាំងកងរាជអាវុធហត្ថបានទទួលការសហការពីការផ្តល់ដំណឹងរបស់ ប្រជាពលរដ្ឋ ថានៅចំណុចកើតហេតុខាងលើមានយុវជន២នាក់ កំពុងចែកចាយនូវសារធាតុញៀន។ បន្ថែមពីនោះ កម្លាំងកងរាជអាវុធហត្ថបានចាប់យកវត្ថុតាងមួយចំនួនពីជនសង្ស័យរួមមាន: ០១.ថ្នាំញៀនប្រភេទម៉ាទឹកកកចំនួន ១៦កញ្ចប់ ដែលមានទម្ងន់ស្មើ ១៧.២០ក្រាម ០២. ទូរស័ព្ទ ចំនួន០៣គ្រឿង ០៣. ម៉ូតូ ចំនួន០២គ្រឿង ០៤. អត្តសញ្ញាណប័ណ្ណចំនួន០១ ០៥. ប័ណ្ណបើកបរ ចំនួន០១ ០៦. ដាវដែក ចំនួន០២ដើម ០៧. កាតគ្រី ម៉ូតូ ចំនួន០២ និងសម្ភារ: វេចខ្ចប់គ្រឿងញៀនមួយចំនួន។

ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថខេត្តតាកែវ ដើម្បីសាកសួរបក្ខពួកបន្ថែម និងកសាងសំណុំរឿង ចាត់ការបន្តតាមនីតិវិធី៕

photo_2016-08-10_16-52-21

photo_2016-08-10_16-52-23

photo_2016-08-10_16-52-25

មតិយោបល់