កំពង់ស្ពឺៈ កាលពីថ្ងៃទី១០ ខែធ្នូ ឆ្នាំ២០២០ ដោយមានការដឹកនាំពីលោកស្នងការ និងការសម្របសម្រួលពីតំណាងអយ្យការ ខេត្តកំពង់ស្ពឺ ខេត្តកណ្តាល កម្លាំងការិយាល័យនគរបាលព្រហ្មទណ្ឌកម្រិតធ្ងន់ បានសហការជាមួយនគរបាលស្រុកសំរោងទង ស្រុកអង្គស្នួល ឃាត់ខ្លួនជនសង្ស័យឈ្មោះ យ៉ាន់ សុខជា ភេទប្រុស អាយុ ៣១ឆ្នាំ នៅភូមិត្រពាំងជួន ឃុំឆក់ឈើនាង ស្រុកអង្គស្នួល ខេត្តកណ្តាល និងដកហូតវត្ថុតាងមួយចំនួន។

តាមរយៈវត្ថុតាងបានស្រាវជ្រាវរកឃើញម៉ូតូចំនួន ៣គ្រឿង (ម៉ូតូC125 ស៊េរី2019 ឡើង2020 ពណ៌ខ្មៅ និងម៉ូតូ
ZOOMMER ដោះសល់តែតួខ្លួន) ជាម៉ូតូដែលជនសង្ស័យលួចនៅខេត្តកំពង់ស្ពឺ ។

ការឃាត់ខ្លួននេះអនុវត្តតាមដីកាបញ្ជាឲ្យចូល របស់លោកព្រះរាជអាជ្ញារង ខៃ សម្ផស្ស តំណាងអយ្យការខេត្តកំពង់ស្ពឺ៕