ផ្ទះ ព័ត៌មានជាតិ ​ចាប់ខ្លួន​ជន...

​ចាប់ខ្លួន​ជនជាប់ចោទ​ម្នាក់​ ពី​បទ​លួច​លក់​អចលនទ្រព្យ​របស់​អ្នក​ដទៃ​

0

កណ្តាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កម្លាំង​អធិការដ្ឋាន​នគរបាល​ស្រុក​មុខកំពូល​ បាន​អនុវត្ត​ដីកា​បង្គាប់​ឲ្យ​ចាប់ខ្លួន​ ជនជាប់ចោទ​ម្នាក់​ ពី​បទ​លួច​លក់​អចលនទ្រព្យ​របស់​អ្នក​ដទៃ​កាលពី​ ថ្ងៃ​ទី​១៧​ ខែធ្នូ​ ឆ្នាំ​២០២០​ វេលា​ម៉ោង​១៦​និង​៣០​នាទី​រសៀល​ នៅ​ចំណុច​ភូមិ​ជ្រែ​មួយ​រយ​ ឃុំ​សំបួរមាស​ ស្រុក​មុខកំពូល​ ខេត្តកណ្តាល​ ។​

​ការ​ឃាត់ខ្លួន​ជនជាប់ចោទ​នេះ​ ដោយ​កម្លាំង​អធិការដ្ឋាន​នគរបាល​ស្រុក​មុខកំពូល​ដឹកនាំ​ដោយ​លោក​អធិការ​នគរបាល​ស្រុក​ លោក​អធិការរង​ទទួល​ផ្នែក​នគរបាល​យុត្តិធម៌​ សហការ​ជាមួយ​កម្លាំង​ប៉ុស្តិ៍​នគរបាល​រដ្ឋបាល​សំបួរមាស​ ទើប​អាច​ឃាត់ខ្លួន​ជន​ជាប់​រូប​នេះ​បាន​ ។​
​ជនជាប់ចោទ​ឈ្មោះ​ យឹ​ម​ សំ​អុល​ ភេទ​ប្រុស​ អាយុ​៤១​ឆ្នាំ​ ជនជាតិ​ខ្មែរ​ មុខរបរ​ កសិករ​ ទីលំនៅ​បច្ចុប្បន្ន​ ភូមិ​ជ្រែ​មួយ​រយ​ ឃុំ​សំបួរមាស​ ស្រុក​មុខកំពូល​ ខេត្តកណ្តាល​ ។​

​ដីកា​បង្គាប់​ឲ្យ​ចាប់ខ្លួន​លេខ​៩១៥​ដក​ប​ច​ខ​ ចុះ​ថ្ងៃ​ទី​២៧​ ខែវិច្ឆិកា​ ឆ្នាំ​២០២០​ របស់​លោក​ អាត​ ច័ន្ទ​ដា​រា​ ចៅក្រម​ស៊ើបសួរ​ នៃ​សាលាដំបូង​ខេត្តកណ្តាល​ ។​

​ពី​បទ​ ៖​ លួច​លក់​អចលនទ្រព្យ​របស់​អ្នក​ដទៃ​ ប្រព្រឹត្ត​នៅ​ភូមិ​ថ្មី​ ឃុំ​ស្វាយ​អំពារ​ ស្រុក​មុខកំពូល​ ខេត្តកណ្តាល​ កាលពី​អំឡុង​ឆ្នាំ​២០១៨​។​
​ករណី​នេះ​សមត្ថកិច្ច​ បន្ត​ចាត់ការ​តាម​នីតិវិធី​ ៕

មតិយោបល់