ផ្ទះ ព័ត៌មានជាតិ ករណីបុរសមិនស្...

ករណីបុរសមិនស្គាល់អត្តសញ្ញាណ​ម្នាក់ ដើរតាមផ្លូវ​កាន់​កូនកាំបិត​ រួច​ចាក់​ខ្លួនឯង បណ្តាលឲ្យស្លាប់

0

​ព្រះ​សីហ​នុ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ព្រឹក​ថ្ងៃ​ទី​១៨​ ខែធ្នូ​ ឆ្នាំ​២០២០​ នៅ​ចំណុច​ភូមិ​វាល​មាស​ ឃុំ​វាល​រេញ​ ស្រុក​ព្រៃ​នប់​ ខេត្ត​ព្រះ​សីហ​នុ​ មាន​ករណី​មនុស្ស​មិន​ស្គាល់​អត្តសញ្ញាណ​ម្នាក់ ​(​ប្រុស​)​ បាន​កាន់​កូនកាំបិត​ដើរ​តាម​ដងផ្លូវ​ជាតិ​៤​ រួច​អារ​.​ក​ខ្លួនឯង​ ។​

ប្រភពព័ត៌មានបានឲ្យដឹងថា នៅ​ពេល​កម្លាំង​សមត្ថកិច្ច​ចុះ​ទៅ​ជួយ​អន្តរាគមន៍​ ជន​រង​គ្រោះ​បាន​រត់​តាម​បណ្តោយ​ផ្លូវជាតិ​៤​ មក​ដល់​ចំណុច​មុខ​ប៉ុស្តិ៍​នគរបាល​រដ្ឋបាល​ឃុំ​វាល​រេញ​ បាន​យក​កូនកាំបិត​ចាក់ក​ខ្លួនឯង​បន្ថែម​ទៀត​ បណ្តាលឲ្យ​ដាច់​ធ្លាយ​បំពង់ក​ហើយ​បាន​ស្លាប់​ពេល​បញ្ជូន​ទៅ​ដល់​មណ្ឌល​សុខភាព​វាល​រេញ​ ស្រុក​ព្រៃ​នប់​ ។​

​បច្ចុប្បន្ន​ សាកសព​យក​ទៅ​រក្សា​ទុក​នៅ​វត្ត​វាល​មាស​ ក្នុង​ឃុំ​វាល​រេញ​ ស្រុក​ព្រៃ​នប់​ បន្ត​តាម​នីតិវិធី​ ៕

មតិយោបល់