ភ្នំពេញៈ ក្រុមចោររាត្រី ដែលតែងតែដើរគាស់ផ្ទះប្រជាពលរដ្ឋពេលយប់នោះ ត្រូវបានកម្លាំងសមត្ថកិច្ចខណ្ឌឫស្សីកែវ សហការជាមួយកម្លាំងសមត្ថកិច្ចប៉ុស្តិ៍ ឃាត់ខ្លួន និងវាយខ្នោះ កាលពីវេលាម៉ោង១២និង៣០នាទីយប់រំលងអធ្រាតឈានចូលថ្ងៃទី១២ ខែសីហា ឆ្នាំ២០១៦ ស្ថិតនៅចំណុចផ្លូវបេតុង ក្រុម១៣ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

ជនសង្ស័យទាំង០៣នាក់ ទី១.ឈ្មោះ សុង តុលា ភេទប្រុស អាយុ១៧ឆ្នាំ មុខរបរ ធ្វើការនៅហាងចំប៉ីស ស្នាក់នៅផ្ទះលេខ ២៨២ ផ្លូវលេខ៧០ ក្រុម១០ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ។ ទី២. ឈ្មោះ ដួង រតនា ភេទប្រុស អាយុ២០ឆ្នាំ មុខរបរ មិនពិតប្រាកដ ស្នាក់នៅផ្ទះលេខ០៤៤ ផ្លូវលេខ៧០ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ និងទី៣ ឈ្មោះ ហេង បញ្ញា ភេទប្រុស អាយុ ២៦ឆ្នាំ មុខរបរ មិនពិតប្រាកដ ស្នាក់នៅផ្ទះជួល ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ និងបានដកហូតនៅម៉ូតូ មួយគ្រឿង ម៉ាក TODAY ពណ៌ទឹកប្រាក់ គ្មានស្លាកលេខ។

ប្រភពពីសមត្ថកិច្ចបានឲ្យដឹងថា នៅយប់ថ្ងៃទី១១ ខែសីហា ឆ្នាំ២០១៦ កម្លាំងសមត្ថកិច្ចខណ្ឌឫស្សីកែវ សហការជាមួយកម្លាំងសមត្ថកិច្ចប៉ុស្តិ៍ទួលសង្កែ បានធ្វើការជិះល្បាតនៅក្នុងមូលដ្ឋាន លុះដល់ពេលជិះមកដល់ចំណុចកើតហេតុខាងលើ ស្រាប់តែបានប្រទះឃើញ ជនសង្ស័យ ០៣នាក់ដែលកំពុងធ្វើសកម្មភាពលួចគាស់តូចប្រជាពលរដ្ឋដែលបានចាក់សោរចោល ហើយជនសង្ស័យទាំងនោះបំរុងនឹងធ្វើសកម្មភាពលួចយកទ្រព្យសម្បត្តិរបស់ប្រជាពលរដ្ឋហើយនោះ ស្រាប់តែបានកម្លាំងសមត្ថកិច្ចឃើញទាន់ ចាប់ឃាត់ខ្លួននិងវាយខ្នោះយកមកប៉ុស្តិ៍នគរបាលរដ្ឋបាលទួលសង្កែតែម្តង ដើម្បីធ្វើការសាកសួរ។

បច្ចុប្បន្នជនសង្ស័យទាំង០៣នាក់ខាង ត្រូវបានកម្លាំងសមត្ថកិច្ចបញ្ជូនខ្លួនទៅឃុំជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់៕

https://youtu.be/zIvHtHJ-0AM