ផ្ទះ ព័ត៌មានជាតិ គួរអោយខ្លាចនា...

គួរអោយខ្លាចនារីម្នាក់ ចេញពីធ្វើការរួចហៅ PassApp ជិះត្រលប់ទៅផ្ទះវិញ ត្រូវម្ចាស់ PassApp ធ្វើសកម្មភាពដកកាំបិតចុងស្រួចភ្ជង់ប្លន់ យកកាបូបស្ពាយបានសម្រេច រួចបើកគេចបាត់ស្រមោល

0

ភ្នំពេញ: កាលពីវេលាម៉ោង ១០និង១០នាទីយប់ ថ្ងៃទី៧ ខែកុម្ភ: ឆ្នាំ២០២១ ស្ថិតតាមបណ្ដោយផ្លូវR6 ជិតផ្លូវរថភ្លើង ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

មុនពេលកើតហេតុរូបគាត់ បានចេញពីធ្វើការនៅច្បារអំពៅ ហើយបានហៅ Pass App មកជិះគោលបំណងទៅផ្ទះម្ដាយមីង នៅខាងក្រោយមន្ទីរពេទ្យកាល់ម៉ែត ខណ:មកដល់ចំណុចកើតហេតុខាងលើ ស្រាប់តែជនសង្ស័យជាម្ចាស់ Pass App យកលេសឈប់បត់ជើងតូច រួចហើយក៏បានធ្វើសកម្មភាព ដកកាំបិតចុងស្រួចមកភ្ជង់ រូបគាត់គំរាមយកកាបូបស្ពាយ ដែលមានសម្ភារ:មួយចំនួន និងលុយចំនួន ២១០$ ហើយដេញគាត់ឲ្យចុះ រួចបើក Pass App គេចខ្លួនដោយសុវត្តិភាព មិនរំខានដល់សមត្ថកិច្ចមូលដ្ឋានឡើយ ។

សមត្ថកិច្ចមូលដ្ឋានបានចុះមកចំណុចកើតហេតុ ហើយបានដឹកជនរងគ្រោះទៅកាន់ ប៉ុស្តិ៍រដ្ឋបាលស្រះចក ដើម្បីឲ្យនារីរងគ្រោះដាក់ពាក្យបណ្ដឹង និងកំណត់មុខសញ្ញាតាមចាប់ជនសង្ស័យយកមកផ្ដន្ទាទោសតាមច្បាប់ ៕

មតិយោបល់