ពោធិ៍សាត់ៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ស្ត្រីម្នាក់ត្រូវបានគេប្រទះឃើញដេកស្លាប់នៅលើកំណាត់ផ្លូវរទេះគោ ដោយសារកើតខ្យល់គ នាវេលាម៉ោង១១និង៣៥នាទី ថ្ងៃទី០២ ខែមីនា ឆ្នាំ២០២១ នៅចំណុចផ្លូវរទេះក្រោយផ្ទះរបស់ប្រជាពលរដ្ឋឈ្មោះ ហុំ ហ៊ន ភេទស្រី អាយុ៣៧ឆ្នាំ ស្ថិតក្នុងភូមិស្វាយជ្រុំ ឃុំបឹងបត់ណ្តោល ស្រុកបាកាន ខេត្តពោធិ៍សាត់ ។
សាកសពជនរងគ្រោះត្រូវបានគេស្គាល់ ឈ្មោះ សោ ចាន់ធា ភេទស្រី អាយុ៤០ឆ្នាំ រស់នៅភូមិ-ឃុំខាងលើ ។
តាមការត្រួតពិនិត្យ និងធ្វើកោសល្យវិច័យរបស់សមត្ថកិច្ចជំនាញ នៅកន្លែងកើតហេតុ សន្និដ្ឋានថា ជនរងគ្រោះខាងលើស្លាប់ដោយសារខ្យល់គពិតប្រាកដមែន ។
ក្រោយពីការពិនិត្យយ៉ាងយកចិត្តទុកដាក់រួចរាល់ហើយ បានធ្វើកំណត់ហេតុប្រគល់សាកសពជូនក្រុមគ្រួសារធ្វើបុណ្យតាមប្រពៃណី ៕
មតិយោបល់