ព័ត៌មានជាតិ

បុរស​ម្នាក់​សង្ស័យបើក​ម៉ូតូ​បុក​រថយន្ត​ពីក្រោយ​ បណ្តាល​ឲ្យ​ស្លាប់​ នៅស្រុកស្វាយចេក

​បន្ទាយ​មាន​ជ័យ:​ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរស​ម្នាក់​គេសង្ស័យបើក​ម៉ូតូ​ពេល​យប់​ក្នុង​ល្បឿន​លឿន​ ហើយបាន​ជ្រុល​បុក​រថយន្ត​ធុន​ធំ​១​គ្រឿង​ពី​ខាងក្រោយ​ពេញទំហឹង​ បណ្តាល​ឲ្យ​រង​របួសធ្ងន់​និង​បាន​សម្លាប់​នៅ​កន្លែង​កើតហេតុ​ ។​

​ហេតុការណ៍​គ្រោះថ្នាក់​ចរាចរណ៍​កើតឡើង​នៅ​វេលា​ម៉ោង​២០​និង​៤០​នាទី​ ថ្ងៃ​ទី​០៣​ ខែមីនា​ ឆ្នាំ​២០២១​ នៅ​លើ​កំណាត់​ផ្លូវជាតិ​លេខ​៥៦A​ ខាងត្បូង​លាន​ដំឡូង​មី​ ស្ថិត​ក្នុងភូមិ​ខ្លែង​ពណ៌​ខាងជើង​ ឃុំ​ស្ល​ក្រាម​ ស្រុក​ស្វាយចេក​ ខេត្តបន្ទាយមានជ័យ​ ។​

​តាម​ប្រភព​ព័ត៌មាន​ពី​នគរបាល​មូលដ្ឋាន​បាន​ឲ្យ​ដឹង​ថា​៖​ ជន​រង​គ្រោះ​មាន​មាឌធំ​ដំបង​ សម្បុរ​ខ្មៅ​ ស្លៀកខោ​ជើងវែង​ពណ៌​ប្រផេះ​ ពាក់អាវ​ពណ៌​ស្លា​ទុំ​ ពាក់មួក​សុវត្ថិភាព​ ពណ៌​បៃតង​ បើកបរ​ម៉ូតូ​ម៉ាក​វេ​វ​អាល់​ហ្វា​ ពណ៌​ខ្មៅ​ គ្មាន​ស្លាក​លេខ​ ។​ ជន​រង​គ្រោះ​បាន​បើក​ម៉ូតូ​ពី​ជើង​ទៅ​ត្បូង​ ពេល​មក​ដល់​ចំណុច​កើ​ហេតុ​ A​ ខាងត្បូង​លាន​ដំឡូង​មី​ សង្ស័យ​បុក​រថយន្ត​ធុន​ធំ​ពីក្រោយ​ បណ្តាល​ឲ្យ​ជន​រង​គ្រោះ​ដេក​ស្លាប់​នៅ​ក្នុង​ថ្លុកឈាម​ ។​

​ប្រ​ព​ដដែល​បាន​បញ្ជាក់​ថា​៖​ មក​ទល់​ពេល​នេះ​សព​ជន​រង​គ្រោះ​នៅ​មិន​ទាន់​ស្គាល់​អត្ត​សញ្ញា​នៅឡើយ​ទេ​ ត្រូវ​បាន​សមត្ថកិច្ច​យក​ទៅ​តម្កល់​នៅ​វត្ត​កកោះ​-​កំណប់​ ស្ថិត​ក្នុងភូមិ​កកោះ​ ឃុំ​ស្ល​ក្រាម​ ស្រុក​ស្វាយចេក​ ខេត្តបន្ទាយមានជ័យ​ ដើម្បី​ស្រាវជ្រាវ​រក​ក្រុម​គ្រួសារ​ឬ​សាច់ញាតិ​មក​ទទួលយក​ទៅ​ចាត់ចែង​ធ្វើបុណ្យ​តាម​ប្រពៃណី​ ៕​

មតិយោបល់