ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជនម្នាក់ត្រូវបានម្ចាស់ម៉ូតូឃើញ កំពុងធ្វើសកម្មភាពលួចបម្រុងនឹងជិះចេញ ស្រែកឆោឡោ ហើយសមត្ថកិច្ចខណ្ឌកំពុងល្បាត ក្នុងមូលដ្ឋានអន្តរាគមន៍ឃាត់ខ្លួន បានភ្លាមៗ ។
ករណីនេះកើតឡើងនៅថ្ងៃទី០១ ខែមេសា ឆ្នាំ ២០២១ វេលាម៉ោង២និង ៣៥នាទី ត្រង់ចំណុចតូបជួសជុលម៉ូតូ ផ្លូវបេតុង ស្ថិតនៅភូមិត្រពាំងសាលា សង្កាត់ពងទឹកខណ្ឌដង្កោ រាជធានីភ្នំពេញ ។
ម្ចាស់ម៉ូតូឈ្មោះ ជុំ មករា ភេទប្រុស អាយុ២៤ឆ្នាំ មុខរបរយោធា មានទីលំនៅភូមិត្រពាំងសាលា សង្កាត់ពងទឹក ខណ្ឌដង្កោរាជធានីភ្នំពេញ ។ ជនសង្ស័យឈ្មោះ ម៉ន សុភា ភេទប្រុស អាយុ ១៨ ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ (មានសារធាតុញៀន)
វត្ថុតាងចាត់យកមានម៉ូតូ០១គ្រឿង ,ដាវកែច្នៃប្រវែង ៥៤ សង់ទីម៉ែត្រ ចំនួន០១ដើម ,ដំបងឈើមូលប្រវែង ៧៥ សង់ទីម៉ែត្រចំនួន០១ដើម។
បច្ចុប្បន្ន ជនសង្ស័យ រួមនឹងវត្ថុតាង ត្រូវបានកម្លាំងនគរបាលជំនាញ នៃអធិការដ្ឋាននគរបាលខណ្ឌដង្កោ កសាងសំណុំរឿងអនុវត្តតាមនីតិវិធី ៕
មតិយោបល់