ផ្ទះ ព័ត៌មានជាតិ ជនសង្ស័យ៣នាក់...

ជនសង្ស័យ៣នាក់ ធ្វើសកម្មភាពឆក់កាបូប នៅ​មុខ​ភោជនីយដ្ឋាន​បឹង​ទន្សោង ត្រូវសមត្ថកិច្ចឃាត់ខ្លួនបាន នៅលើស្ពានគីហ្សូណា

0

​កំពង់ចាម: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា​ នៅ​ថ្ងៃ​ទី​២៤​ ខែមេសា​ ឆ្នាំ​២០២១​ វេលា​ម៉ោង​០៥​និង​៤០​នាទី​ កម្លាំង​ជំនាញ​របស់​ផែន​ការងារ​នគរបាល​ព្រហ្មទណ្ឌ​ និង​កម្លាំង​ជំនាញ​របស់​អធិការដ្ឋាន​នគរបាល​ក្រុង​កំពង់ចាម​ នៃ​ស្នងការដ្ឋាន​នគរបាល​ខេត្តកំពង់ចាម​ បាន​សហការ​ជាមួយ​កម្លាំង​ជំនាញ​របស់​អធិការដ្ឋាន​នគរបាល​ស្រុក​ត្បូងឃ្មុំ​ នៃ​ស្នងការដ្ឋាន​នគរបាល​ខេត្ត​ត្បូងឃ្មុំ​ បាន​បើក​កិច្ច​ប្រតិបត្តិការ​បង្ក្រាប​ករណី​លួច​មាន​ស្ថាន​ទម្ងន់ទោស​ (​ឆក់​កាបូ​ប​)​ នៅ​ថ្ងៃ​ទី​២៤​ ខែមេសា​ ឆ្នាំ​២០២១​ វេលា​ម៉ោង​១៧​ និង​៣០​នាទី​ នៅ​ចំណុច​មុខ​ភោជនីយដ្ឋាន​បឹង​ទន្សោង​ ស្ថិត​ក្នុងភូមិ​ទន្លេរ​បិទ​លើ​ ឃុំ​ទន្លេ​បិទ​ ស្រុក​ត្បូងឃ្មុំ​ ខេត្ត​ត្បូងឃ្មុំ​ឃាត់ខ្លួន​បាន​ជនសង្ស័យ​ចំនួន​០៣​នាក់​ នៅ​ចំណុច​លើ​ស្ពាន​គី​ហ្សូ​ណា​ ស្ថិត​ក្នុងភូមិ​ទី​៣​ សង្កាត់​វាលវង់​ ក្រុង​កំពង់ចាម​ ខេត្ត​កំពង់​ចា​ម ។

​ជនសង្ស័យ​រួម​មាន​៖​ ១-​ឈ្មោះ​ ទូច​ តិ​ ភេទ​ប្រុស​ អាយុ​១៦​ឆ្នាំ​ ជាតិខ្មែរ​,​ ២-​ឈ្មោះ​ រី​ បញ្ញា​ ភេទ​ប្រុស​ អាយុ​១៦​ឆ្នាំ​ ជាតិខ្មែរ​,​ ៣-​ឈ្មោះ​ លី​ ចាន់​ថា​ ហៅ​ ឆុ​យ​ ភេទ​ប្រុស​ អាយុ​១៦​ឆ្នាំ​ ជាតិខ្មែរ​ ។​ ​ជនសង្ស័យ​ទាំង​បី​នាក់​ មាន​ទីលំនៅ​ភូមិ​ទួល​សំបូរ​ ឃុំ​ព្រះ​ធាតុ​ ស្រុក​អូ​រាំង​ឪ​ ខេត្ត​ត្បូងឃ្មុំ​ ។​

​ ដកហូត​សម្ភារ:​វត្ថុ​តាង​រួម​មាន​៖​ ម៉ូតូ​ចំនួន​០១​គ្រឿង​ ម៉ាក់​វ៉េវ​អាល់​ហ្វា​ ពណ៌​ខ្មៅ​ អត់​ផ្លា​ក​លេខ​,​ ទូរសព្ទ​ដៃ​ចំនួន​០៣​គ្រឿង​,​ កាបូបស្ពាយ​ពណ៌​ខ្មៅ​០១,​ ប្រាក់​រៀល​ចំនួន​៥០០,០០០​រៀល​ (​ប្រាំ​សែន​រៀល​),​ ប្រាក់​ដុល្លារ​ចំនួន​១២​ដុល្លារ ​(​ដប់​ពី​ដុល្លារ​)​ ។​

​បន្ទាប់​មក​ជនសង្ស័យ​ទាំង​០៣​នាក់​ខាងលើ​ រួម​នឹង​វត្ថុ​តាង​ ត្រូវ​បាន​នាំ​មក​កាន់​អធិការដ្ឋាន​នគរបាល​ក្រុង​កំពង់ចាម​ ដើម្បី​ធ្វើការ​សាកសួរ​ ។​ ​ជនសង្ស័យ​បាន​ឆ្លើយ​សារភាព​ថា​​ កន្លង​មក​ពួក​គេ​ ធ្លាប់​ធ្វើ​សកម្មភាព​ឆក់​កាបូប​ចំនួន​០៤​លើក​ នៅ​ក្នុងភូមិ​សាស្ត្រ​ខេត្តកំពង់ចាម​ ចំនួន​០៣​លើក​ និង​នៅ​ភូមិសាស្ត្រ​ខេត្ត​ត្បូងឃ្មុំ​ ។​

​បច្ចុប្បន្ន​នេះ​ សមត្ថកិច្ច​ជំនាញ​បាន​ប្រគល់​ជនសង្ស័យ​ទាំង​០៣​នាក់​ខាងលើ​ ជូន​សមត្ថកិច្ច​ខេត្ត​ត្បូងឃ្មុំ​ ដើម្បី​យក​ទៅ​អនុវត្ត​នីតិវិធី​បន្ត​ តាម​បញ្ជា​ ឯកឧត្ដម​ វង្ស​ ប៊ុ​ន​វិសុទ្ធ​ ព្រះរាជអាជ្ញា​ នៃ​អយ្យការ​អម​សាលាដំបូង​ខេត្តកំពង់ចាម​ ៕

មតិយោបល់