ផ្ទះ ព័ត៌មានជាតិ រថយន្តសាំយ៉ុង...

រថយន្តសាំយ៉ុងបុកកុងតឺន័រពីក្រោយ បណ្ដាលឲ្យមនុស្ស ៣នាក់ រងរបួសធ្ងន់ស្រាល

0

កំពង់ស្ពឺ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា មនុស្ស​៣​នាក់​ បាន​រង​របួសធ្ងន់​ស្រាល​ ក្នុង​ករណី​គ្រោះថ្នាក់​ចរាចរណ៍​ រវាង​រថយន្ត​បុក​រថយន្ត​ បើក​បញ្ច្រាសទិស​គ្នា​ នៅ​លើ​ផ្លូវ​លេខ​០៤​ចន្លោះ​គីឡូម៉ែត្រ​លេខ​៤៣-៤៤​ស្ថិត​នៅ​ភូមិ​ស្នោ​ទី​១​ សង្កាត់​រការ​ធំ​ ក្រុង​ច្បារមន​ ខេត្តកំពង់ស្ពឺ​ កាលពី​ថ្ងៃ​ទី​០៧​ ខែមិថុនា​ ឆ្នាំ​២០២១​ វេលា​ម៉ោង​ ២៤​និង​១០​នាទី​ ។​

​តាម​របាយការណ៍​បាន​ឲ្យ​ដឹង​ថា​ រថយន្ត​ម៉ាក​សាំង​យ៉ុ​ង​ពណ៌​ទឹកប្រាក់​ពាក់​ស្លាក​លេខ​ ភ្នំពេញ​ 2AR​ 5978​ បើក​ពី​លិចទៅ​កើត​ ១-​អ្នកបើកបរ​ឈ្មោះ​ ប៉ុ​ល​ វណ្ណ​ ភេទ​ប្រុស​ អាយុ​៣០​ឆ្នាំ​រស់នៅ​ភូមិ​រេ​ទេ​ន​ ឃុំ​ឈើ​ដាស់​ ស្រុក​ស្វាយ​ជ្រុំ​ ខេត្តស្វាយរៀង​(​របួសស្រាល​),​ ២-​ឈ្មោះ​ចឹ​ម​ បូ​ណា​ ភេទ​ប្រុស​អាយុ​២៤​ឆ្នាំ​ រស់នៅ​ភូមិ​ពោធិ៍​ណ្តុំ​ ឃុំ​ស្វាយ​អ​ន្ទ​រ​ ស្រុក​ព្រៃវែង​ខេត្តព្រៃវែង​ (​របួសធ្ងន់​)​ ពេល​បើក​មក​ដល់​ចំណុច​ខាងលើ​បាន​បុក​រថយន្ត​ម៉ាក​កុងតឺន័រ​ពាក់​ស្លាក​លេខ​ ភ្នំពេញ​ 3F​ 3875​ សណ្តោង​កន្ទុយ​ពី​ខាងក្រោយ​ពាក់​ស្លាក​លេខ​ ព្រះ​សីហ​នុ​ 4A​ 3072​ បើក​ពី​កើត​ទៅ​លិច​អ្នកបើកបរ​ ៣-​ឈ្មោះ​យូ​ រ​ដ្ធ​ណា​ ភេទ​ប្រុស​ អាយុ​៣០​ឆ្នាំ​ រស់នៅ​ភូមិ​ឍ​ផ្ចឹក​ជ្រុំ​ ឃុំ​ពេជ្រ​មន្នី​ ស្រុក​គងពិសី​ ខេត្តកំពង់ស្ពឺ​ (​របួសស្រាល​)​ ។​

​ករណី​ខាងលើ​នេះ​ បណ្តាល​ឲ្យ​គ្រោះថ្នាក់​មនុស្ស​និង​ខូចខាត​សំភា​រះ​ដូច​ខាងក្រោម​ ៖​
​មនុស្ស​រង​របួស​ចំនួន​០៣​នាក់​ប្រុស​ (​របួសស្រាល​២​នាក់​និង​របួសធ្ងន់​១​នាក់​),​ រីឯ​រថយន្ត​ខូចខាត​ធ្ងន់​ចំនួន​០១​គ្រឿង​ និង​រថយន្ត​ខូចខាត​ស្រាល​ចំនួន​០១​គ្រឿង​។​

​វត្ថុ​តាង​ទាំង​ពីរ​ បាន​ប្រគល់​ឲ្យ​ការិយាល័យ​ចរាចរណ៍​ខេត្ត​ដើម្បី​ដោះស្រាយ​តាម​នី​តី​វិធី​៕

មតិយោបល់