ព័ត៌មានជាតិ

ស្រ្តីលេងបៀរស៊ីគូរថៃចំនួន០៧នាក់ ត្រូវសមត្ថកិច្ចបង្រ្កាប ធ្វើកិច្ចសន្យាអប់រំ

ស្ទឹងត្រែង: ថ្ងៃច័ន្ទ ១២រោច ខែជេស្ឋ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៧ ខែមិថុនា ឆ្នាំ២០២១ នៅវេលាម៉ោង ១៥និង០០នាទី កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តស្ទឹងត្រែង បានធ្វើការបង្ក្រាបទីតាំងលេងល្បែងស៊ីសងដោយខុសច្បាប់ (លេងបៀរ) នៅចំណុចចម្ការដូង ភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដោយឃាត់ខ្លួនអ្នកលេងបៀរ (ស៊ីគូរថៃ) ចំនួន ០៧នាក់ ស្រី ដែលមានម្ចាស់ទីតាំងឈ្មោះ សៀ លេង ភេទស្រី ។

កម្លាំងជំនាញចាប់យកវត្ថុតាង រួមមាន ៖ បៀរចំនួន ០៦ហូរ នឹង កំប៉ុងដកតុង ចំនួន ០២កំប៉ុង, ២-កម្រាលភួយ ០២ផ្ទាំង ។
ក្រោយធ្វើការសាកសួររួច កម្លាំងជំនាញបានធ្វើកិច្ចសន្យា ណែនាំអប់រំឲ្យបញ្ឈប់ ការលេងល្បែងស៊ីសងខុសច្បាប់ ចាប់ពីថ្ងៃធ្វើកិច្ចសន្យានេះ ៕

មតិយោបល់