បន្ទាយមានជ័យៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា រថយន្តមិនស្គាល់ម៉ាកមួយគ្រឿង បានបុកលោកតាម្នាក់កំពុងបណ្តើរកង់ចេញពីផ្លូវលំឡើងទៅឆ្លងផ្លូវជាតិ បណ្តាលឲ្យស្លាប់ពេលបញ្ជូនទៅដល់មន្ទីរពេទ្យ ។
ហេតុការណ៍គ្រោះថ្នាក់ ចរាចរណ៍ បានកើតឡើងវេលាម៉ោង ២២និង១០នាទីយប់ថ្ងៃទី១២ ខែមិថុនា ឆ្នាំ២០២១ នៅលើកំណាត់ផ្លូវជាតិលេខ១៥៦ដេ ត្រង់ចំភូមិអូរតាម៉ា ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ។
សមត្ថកិច្ច ប្រាប់ឲ្យដឹងថា ជនរងគ្រោះឈ្មោះ និត ម៉ាន ភេទប្រុស អាយុ៦៨ឆ្នាំ នៅភូមិហ្លួង ឃុំប្ញស្សីក្រោក ស្រុកមង្គលបូរី ។ មុនពេលកើតហេតុជនរងគ្រោះបណ្តើរកង់ចេញពីផ្លូវលំឡើងទៅផ្លូវជាតិឆ្លងពីត្បូងទៅជើង ស្រាប់តែមានរថយន្តមួយគ្រឿងមិនស្គាល់ម៉ាក់ធ្វើដំណើរតាមបណ្តោយផ្លូវជាតិ ក្នុងទិសដៅពីកើតទៅលិច បានបុកជនរងគ្រោះរងបួសធ្ងន់ និងបានស្លាប់ពេលបញ្ជូនទៅដល់មន្ទីរពេទ្យ ។
បច្ចុប្បន្ន សពត្រូវបានប្រគលជូនក្រុមគ្រួសា ដើម្បីចាត់ចែងធ្វើបុណ្យតាមប្រពៃណី ៕
មតិយោបល់