ភ្នំពេញៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរសម្នាក់ត្រូវបានកម្លាំងនគរបាលប៉ុស្តិ៍ស្ទឹងមានជ័យទី២ ធ្វើការឃាត់ខ្លួន បន្ទាប់ពីសាកសួរមានការពាក់ព័ន្ធករណីលួចរ៉ឺម៉ូតូ (ម៉ូតូមានសណ្តោងរ៉ឺម៉ក) ខណៈកម្លាំងចុះល្បាតការពារសន្តិសុខ សុវត្ថិភាពជូនប្រជាពលរដ្ឋនៅក្នុងមូលដ្ឋាន ។
ករណីខាងលើ សមត្ថកិច្ចធ្វើនៅចំណុចមុខផ្ទះលេខ៩BC ផ្លូវបេតុង ភូមិទ្រា សង្កាត់ ស្ទឹងមានជ័យទី១ ខណ្ឌមានជ័យ រាជធានីភ្នំពេញ វេលាម៉ោង៣និង៣០នាទីព្រឹក ថ្ងៃទី២៧ ខែមិថុនា ឆ្នាំ២០២១ ។
ជនសង្ស័យឈ្មោះ អែម រឿន ភេទប្រុស អាយុ២៩ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិដំណាក់ធំ៣ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មុខរបរកម្មកររោងចក្រ (មានផ្ទុកសារធាតុញៀន) ។ ចំណែកម្ចាស់ម៉ូតូឈ្មោះ ហ៊ីង ក្រុញ ភេទប្រុស អាយុ២៩ឆ្នាំ មានទីលំនៅភូមិ សង្កាត់ខាងលើ មុខរបរអ្នកលក់ធ្យូង និងពងទា ។
វត្ថុតាងចាប់យក ៖ -ម៉ូតូ ០១ គ្រឿងម៉ាក សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1EA-6207 មានសណ្តោងរ៉ឺម៉ក (ជារបស់ជនរងគ្រោះ) ។
បច្ចុប្បន្ន ជនសង្ស័យត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង ចាត់តាមនីតិវិធី ៕
មតិយោបល់