កំពង់ចាម: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ដោយបានការឯកភាពពីលោក ឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម និងបានការអនុញាតិពីលោក ហាក់ ហ៊ាន់ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម បានចាត់បញ្ជាឲ្យកម្លាំងជំនាញការិយាល័យប្រឆាំងគ្រឿងញៀនខេត្ត ជាមួយកម្លាំងអធិការដ្ឋាននគរបាលស្រុកកំពង់សៀម ដឹកនាំដោយលោកឧត្តមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បានបើកកិច្ចប្រតិបត្តិការចុះបង្ក្រាប ករណីជួញដូរ ដោយខុសច្បាប់នូវសារធាតុញៀនចំនួន ០១ករណី (ដោយប្រើវិធានញុះញង់) ឃាត់ខ្លួនជនសង្ស័យបានចំនួន ១១នាក់ កាលពីថ្ងៃទី២៩ ខែមិថុនា ឆ្នាំ២០២១ វេលាម៉ោង ១២ និង ០០ នាទី នៅចំណុចផ្លូវរទេសគោ ស្ថិតក្នុងភូមិអូរឈ្លើង ឃុំកោះរការ ស្រុកកំពង់សៀម ខេត្តកំពង់ចាម ។
មន្ត្រីនគរបាលខេត្តកំពង់ចាម បានឲ្យដឹងថា ជនសង្ស័យទាំង១១នាក់រួមមាន៖ ១-ឈ្មោះ ផន លាប ភេទប្រុស អាយុ២០ឆ្នាំ សញ្ជាតិខ្មែរ មុខរបរមិនពិតប្រាកដ នៅភូមិអូរឈ្លើង ឃុំកោះរការ ស្រុកកំពង់សៀម ខេត្តកំពង់ចាម ។
២-ឈ្មោះ ផល ផែន ភេទប្រុស អាយុ២០ឆ្នាំ សញ្ជាតិខ្មែរ មុខរបរមិនពិតប្រាកដ នៅភូមិអូរឈ្លើង ឃុំកោះរការ ស្រុកកំពង់សៀម ខេត្តកំពង់ចាម។
៣-ឈ្មោះ ស្មាន អូឡាវី ភេទប្រុស អាយុ២៤ឆ្នាំ សញ្ជាតិខ្មែរ មុខរបរលក់ដូរ នៅភូមិកំពង់ក្របី ឃុំគរគរ ស្រុកកំពង់សៀម ខេត្តកំពង់ចាម។
៤-ឈ្មោះ ផន តុលា ភេទប្រុស អាយុ២៣ឆ្នាំ សញ្ជាតិខ្មែរ មុខរបរជាងមាស នៅភូមិគគរ២ ឃុំគរគរ ស្រុកកំពង់សៀម ខេត្តកំពង់ចាម។
៥-ឈ្មោះ នេត ចាន់ធី ភេទប្រុស អាយុ២៤ឆ្នាំ សញ្ជាតិខ្មែរ មុខរបរជាងដែក នៅភូមិតាមាង ឃុំកោះរការ ស្រុកកំពង់សៀម ខេត្តកំពង់ចាម។
៦-ឈ្មោះ ម៉ៅ គីមរ៉ុង ភេទប្រុស អាយុ២៣ឆ្នាំ សញ្ជាតិខ្មែរ មុខរបរមិនពិតប្រាកដ នៅភូមិដំបងដែក ឃុំកោះរការ ស្រុកកំពង់សៀម ខេត្តកំពង់ចាម។
៧-ឈ្មោះ យាន ឈីនចិន ភេទប្រុស អាយុ១៧ឆ្នាំ សញ្ជាតិខ្មែរ មុខរបរជាងមាស នៅភូមិកោះប្រាក់ ឃុំកោះទន្ទឹម ស្រុកកំពង់សៀម ខេត្តកំពង់ចាម។
៨-ឈ្មោះ គុន ចាន់ថា ភេទប្រុស អាយុ២៩ឆ្នាំ សញ្ជាតិខ្មែរ មុខរបរកម្មកររោងចក្រ នៅភូមិកោះប្រាក់ក្នុង ឃុំកោះទន្ទឹម ស្រុកកំពង់សៀម ខេត្តកំពង់ចាម។
៩-ឈ្មោះ លី ឧស្សាហ៍ ភេទប្រុស អាយុ២៣ឆ្នាំ សញ្ជាតិខ្មែរ មុខរបរកម្មកររោងចក្រ នៅភូមិកោះប្រាក់ ឃុំកោះទន្ទឹម ស្រុកកំពង់សៀម ខេត្តកំពង់ចាម។
១០-ឈ្មោះ វ៉ា សុឡែន ភេទប្រុស អាយុ១៩ឆ្នាំ សញ្ជាតិខ្មែរ មុខរបរជាងមាស នៅភូមិពង្រ ឃុំវិហារធំ ស្រុកកំពង់សៀម ខេត្តកំពង់ចាម។
១១-ឈ្មោះ គឹម ហេន ភេទប្រុស អាយុ២៥ឆ្នាំ សញ្ជាតិខ្មែរ មុខរបរជាងឈើ នៅភូមិកោះប្រាក់ ឃុំកោះទន្ទឹម ស្រុកកំពង់សៀម ខេត្តកំពង់ចាម។
វត្ថុតាងដកហូតរួមមាន៖ ម្សៅក្រាមពណ៌សសង្ស័យជាថ្នាំញៀនចំនួន០៥កញ្ចប់ ទូរស័ព្ទដៃចំនួន ១១គ្រឿង ជញ្ជីងអេឡិចត្រូនិចចំនួន០១គ្រឿង និងឧបករណ៍សេពមួយចំនួន ម៉ូតូចំនួន០៨គ្រឿង ។
បច្ចុប្បន្នជនសង្ស័យ រួមនឹងវត្ថុតាងជំនាញបាននាំមកការិយាល័យប្រឆាំងគ្រឿងញៀន ដើម្បីចងក្រងសំណុំរឿងតាមនិតិវិធី ៕
មតិយោបល់