ភ្នំពេញៈ រថយន្តធុនត្រាមួយគ្រឿងសង្ស័យអ្នកបើកបរងងុយដេកទើបរេចង្កូតធ្លាក់ផ្លូវ បង្កការភ្ញាក់ផ្អើលកាលពីវេលាម៉ោង ៤និង៣០នាទីព្រឹក ថ្ងៃទី១១ ខែកក្កដា ឆ្នាំ២០២១ ទីតាំងស្ថិតនៅតាមបណ្តោយផ្លូវបេតុង១០៥K ក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា មុនតំបូងគេបានឃើញរថយន្តខាងលើម៉ាក TUNDRA ពាក់ស្លាកលេខ ភ្នំពេញ 2BJ-3755 មួយគ្រឿងបើកបរក្នុងទិសដៅពីត្បូងទៅជើង ស្រាប់តែមកដល់ចំណុចកើតហេតុ សង្ស័យអ្នកបើកបរងងុយដេកមួយភាំង ទើបរេចង្កូតធ្លាក់ផ្លូវបណ្តាលឲ្យរងការខូចខាតផ្នែកខាងមុខយ៉ាងតំណំ។

ក្រោយកើតហេតុសមត្ថកិច្ចមូលដ្ឋាន ចុះដល់ទីតាំងកន្លែងកើតហេតុ និងស្វែងរកម្ចាស់ឲ្យមកស្ទូចយកទៅជួសជុលវិញ៕