កំពង់ស្ពឺ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់ត្រូវគេស្គាល់ថា មានសតិមិនប្រក្រតី ត្រូវបានម៉ូតូ១គ្រឿងបើកជ្រុលបុកបណ្តាលឲ្យស្លាប់ ខណ:កំពុងដើរលើដងផ្លូវ ។
ហេតុការណ៍នេះកើតឡើងនៅថ្ងៃទី១១ ខែកក្កដា ឆ្នាំ២០២១ វេលាម៉ោង ១និង៤៥នាទី លើកំណាត់ផ្លូវជាតិលេខ៤ ចន្លោះគីឡូម៉ែត្រលេខ ៣៦-៣៧ ចំណុចភូមិព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ ។
សមត្ថកិច្ចបានឲ្យដឹងថា ម៉ូតូបង្កម៉ាកហុដា C125 ពណ៌ខ្មៅ ស៊េរីឆ្នាំ២០១៧ ពាក់ស្លាកលេខកំពង់ស្ពឺ 1M-1660 អ្នកបើកបរឈ្មោះ សាត សៅលី ភេទប្រុស អាយុ៣៥ឆ្នាំ រស់នៅភូមិតាយស់ ឃុំជើងរាស់ ស្រុកឧដុង្គ ខេត្តកំពង់ស្ពឺ (របួសធ្ងន់)បើកមកពីទិខាងកើតទៅទិសខាងលិច មកដល់ចំណុចខាងលើបានបុកមនុស្ស01នាក់ មិនស្គាល់អត្តសញ្ញណ (មានសតិមិនប្រក្រតី) ដែលកំពុងធ្វើដើរស្របទិសគ្នា ពីទិសខាងកើតទៅទិសខាងលិច បណ្ដាលឲ្យអ្នកធ្វើដំណើរស្លាប់នៅកន្លែងកើតហេតុ និងអ្នកបើកបរម៉ូតូរងរបួសធ្ងន់ ត្រូវបានបញ្ជូនទៅព្យាបាលនៅមន្ទីរពេទ្យ ។
ក្រោយកើតហេតុ សមត្ថកិច្ចបាននាំម៉ូតូទៅរក្សាទុកនៅប៉ុស្ដិ៍នគរបាលរដ្ឋបាលត្រពាំងគង ដើម្បីដោះស្រាយតាមនីតិវិធី ៕
មតិយោបល់