ជនសង្ស័យ ២នាក់ ត្រូវនគរបាលឃាត់ខ្លួន ពាក់ព័ន្ធករណីឆក់

ភ្នំពេញ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា យុវជន​២​នាក់​ត្រូវ​បាន​សមត្ថកិច្ច​នគរបាល​ខណ្ឌមានជ័យ​បង្ក្រាប​ឃាត់ខ្លួន​ ពាក់ព័ន្ធ​ករណី​ឆក់​ ប្រព្រឹត្ត​នៅ​ចំណុច​តាម​បណ្តោយ​ផ្លូវ​លេខ​៤៩​បេ​តេ​ ភូមិ​ សន្សំ​កុសល​៣​ សង្កាត់​បឹង​ទំពន់​ទី​១​ ខណ្ឌមានជ័យ​ រាជធានី​ភ្នំពេញ​ វេលា​ម៉ោង​១៣​និង​៣០​នាទី​ ថ្ងៃ​ទី​១៦​ ខែកក្កដា​ ឆ្នាំ​២០២១​ ។​

​ជនសង្ស័យ​មានឈ្មោះ​ ភួង​ រដ្ឋ​នា​ ហៅ​ រ័​ត្ន្​ ភេទ​ប្រុស​ អាយុ​២៨​ឆ្នាំ​ ជនជាតិ​ខ្មែរ​ ទីលំនៅ​ផ្ទះ​ជួល​ ផ្លូវលំ​ ភូមិ​ត្នោត​ជ្រុំ​៤​ សង្កាត់​បឹង​ទំពន់​ទី​២​ ខណ្ឌមានជ័យ​ រាជធានី​ភ្នំពេញ​ មុខរបរ​មិន​ពិតប្រាកដ​ (​មាន​ផ្ទុក​សារធាតុ​ញៀន​)​ និង​ឈ្មោះ​ ជៀម​ សំ​អាន​ ហៅ​ ទៀត​ ភេទ​ប្រុស​ អាយុ​២៧​ឆ្នាំ​ ជនជាតិ​ខ្មែរ​ ទីលំនៅ​ផ្ទះ​ជួល​ ផ្លូវលំ​ ភូមិ​ ត្នោត​ជ្រុំ​៤​ សង្កាត់​ បឹង​ទំពន់​ទី​២​ ខណ្ឌ​ មាន​ជ័យ​ រាជធានី​ភ្នំពេញ​ មុខរបរ​កម្មករ​សំណង់​ (​មាន​ផ្ទុក​សារធាតុ​ញៀន​)​ ។​

​បន្ទាប់​ពី​ឃាត់ខ្លួន​ សមត្ថកិច្ច​បាន​កសាង​សំណុំរឿង​បញ្ជូន​ទៅ​អធិការដ្ឋាន​នគរបាល​ខណ្ឌមានជ័យ​ ដើម្បី​កសាង​សំណុំរឿង​ចាត់ការ​បន្ត​តាម​នីតិវិធី​ ៕

មតិយោបល់