កោះកុង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី៣១ ខែធ្នូ ឆ្នាំ២០២៣ វេលាម៉ោង១០និង៥០នាទី មានករណីក្មេងធ្លាក់ទឹកបណ្តាលឲ្យលង់ស្លាប់ នៅចំណុចផែរបស់ឈ្មោះ ឌឹម ច័ន្ទឌី ស្ថិតក្នុងភូមិកោះស្តេច ឃុំកោះស្តេច ស្រុកគិរីសាគរ ខេត្តកោះកុង ។
សពមានឈ្មោះ សៀន ជិកឈីង ភេទប្រុស អាយុ ៥ឆ្នាំ ជនជាតិខ្មែរ មានឪពុកឈ្មោះ សៀន សុភាព អាយុ៣១ឆ្នាំ ជនជាតិខ្មែរ មុខរបរលក់ដូរ និងម្តាយឈ្មោះ ឡង សុវណ្ណារី អាយុ ២៩ឆ្នាំ ជនជាតិខ្មែរ មុខរបរលក់ដូរ មានទីលំនៅ សង្កាត់ព្រែកឯង ខណ្ឌច្បារអំពៅ ភ្នំពេញ ។
បច្ចុប្បន្ន សពត្រូវបានក្រុមគ្រួសារយកទៅធ្វើបុណ្យតាមប្រពៃណីនៅឯស្រុកកំណើត ៕
មតិយោបល់