ឧត្តរមានជ័យៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២១ ខែកក្កដា ឆ្នាំ២០២១ វេលាម៉ោង១២និង៣០នាទី ដោយមានការចង្អុលបង្ហាញ ពីលោកឧត្តមសេនីយ៍ទោ ហួត សុធី ស្នងការនគរបាល ខេត្តឧត្តរមានជ័យ និងដោយទទួលបញ្ជាផ្ទាល់ ពីលោកឧត្តមសេនីយ៍ត្រី ស្នងការរងទទួលផែនប្រឆាំងគ្រឿងញៀនកម្លាំងជំនាញប្រឆាំង បទល្មើសគ្រឿងញៀន សហការជាមួយកម្លាំងអធិការដ្ឋាននគរបាលស្រុកអន្លង់វែង បានចុះបង្រ្កាបករណីចែកចាយ និងប្រើប្រាស់គ្រឿងញៀន ស្ថិតនៅចំណុចភូមិអូរគគីរកណ្តាល ឃុំលំទង ស្រុកអន្លង់វែង ដោយឃាត់ខ្លួនជនសង្ស័យ បានចំនួន០៧នាក់ រួមមាន ៖

១-ឈ្មោះ ព្រឿន សំណាង ភេទប្រុស អាយុ ២០ឆ្នាំ មុខរបរមិនពិតប្រាកដ រស់នៅភូមិអូរគគីកណ្តាល ឃុំ លំទង ស្រុកអន្លង់វែង ខេត្តឧត្តរមានជ័យ ។ ២-ឈ្មោះ ព្រឿន ចាន់ ភេទប្រុស អាយុ ១៦ឆ្នាំ មុខរបរមិនពិតប្រាកដ រស់នៅភូមិ-ឃុំ ជាមួយជនសង្ស័យ ខាងលើ។ ៣-ឈ្មោះ វ៉ា សាវៃ ភេទប្រុស អាយុ ១៨ឆ្នាំ មុខរបរយោធាកងពល (៤១) រស់នៅភូមិ-ឃុំ ជាមួយជនសង្ស័យខាងលើ។ ៤-ឈ្មោះ ចែល ចក់ ភេទប្រុស អាយុ ២២ឆ្នាំ មុខរបរមិនពិតប្រាកដរស់នៅ ភូមិ-ឃុំ ជាមួយជនសង្ស័យខាងលើ។ ៥-ឈ្មោះ មាន ឌួងខាវ ភេទប្រុស អាយុ ១៨ឆ្នាំ មុខរបរមិនពិតប្រាកដ រស់នៅ ភូមិ-ឃុំ ជាមួយជនសង្ស័យខាងលើ។ ៦-ឈ្មោះ ម៉ៅ បូរិន ភេទប្រុស អាយុ ១៥ឆ្នាំ មុខរបរមិនពិតប្រាកដ រស់នៅ ភូមិ-ឃុំ ជាមួយជនសង្ស័យខាងលើ។ ៧-យឿន លីហ៊ួ ភេទប្រុស អាយុ ១៦ឆ្នាំ មុខរបរមិនពិតប្រាកដ រស់នៅភូមិប្រលាន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។

សមត្ថកិច្ចដកហូតបានវត្ថុតាងរួមមាន៖ ថ្នាំញៀនប្រភេទមេតំហ្វេតាមីន (CIE) ចំនួន០៣កញ្ចប់តូច មានទំងន់ស្មើ ០,៥៤ ក្រាមថ្លឹងទាំងសំបកថង់, ទូរស័ព្ទ០២គ្រឿង, ម៉ូតូ០៣គ្រឿង, សម្ភារៈសំរាប់ជក់គ្រឿងញៀនមួយចំនួន ។

បច្ចុប្បន្នជនសង្ស័យ និងវត្ថុតាង កម្លាំងជំនាញកំពុងកសាងសំណុំរឿង បញ្ជូនទៅតុលាការចាត់ការតាមនីតិវិធី ៕