មណ្ឌលគិរី: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ក្រុមក្មេងទំនើងវាយ និងកាប់គ្នាទៅវិញទៅមកចំនួន០៧ នាក់ ត្រូវបានកម្លាំងជំនាញនៃអធិការដ្ឋាននគរបាលស្រុកអូររាំង បានសហការជាមួយកម្លាំងប៉ុស្តិ៍នគរបាលរដ្ឋបាល សែនមនោរម្យ ចុះទៅកន្លែងកើតហេតុឃាត់ខ្លួននៅថ្ងៃទី០៨ ខែសីហា ឆ្នាំ២០២១ នៅវេលាម៉ោង១០ និង៥៤នាទី ។

ការឃាត់ខ្លួនក្រុមក្មេងទំនើងនេះ ដោយមានប្រជាពលរដ្ឋបានផ្តល់ព័ត៌មាន មកសមត្ថកិច្ចអធិការនគរបាលស្រុកអូររាំងថា មានករណីប្រើអំពើហិង្សាមួយកើតឡើង រវាងក្រុមក្មេងទំនើង នៅចំណុចផ្ទះរបស់ឈ្មោះបួន សី ស្ថិតនៅក្នុងភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី បន្ទាប់ពីទទួលបានសេចក្តីរាយការណ៍ភ្លាមកម្លាំងជំនាញ នៃអធិការដ្ឋាននគរបាល ស្រុកអូររាំង បានសហការជាមួយកម្លាំង ប៉ុស្តិ៍ នគរបាល រដ្ឋបាល សែនមនោរម្យ ចុះទៅកន្លែងកើតហេតុ ឃាត់ខ្លួនក្រុមក្មេងទំនើងវាយ និងកាប់គ្នាទៅវិញទៅមកចំនួន០៧ នាក់៖

១-ឈ្មោះ អ៊ុក ប៉ុន ភេទប្រុស អាយុ២៨ឆ្នាំ (ក្រុមបង្ករឿង)
២-ឈ្មោះ អ៊ុក ពន្លឺ ភេទប្រុស អាយុ២១ឆ្នាំ(ជាជនបង្ករឿង)រងរបួសត្រង់ចំណុចក្បាលប្រវែង០.៨ស ម ស្មើនឹង១១ថ្នេរ
៣-ឈ្មោះ អ៊ុក ពេជ្រ ភេទប្រុស អាយុ២៣ឆ្នាំ (ជាជនបង្ករឿង)
៤-ឈ្មោះ ឃាម ឈាងម៉ៃ ភេទប្រុស អាយុ២៩ឆ្នាំ (ក្រុមត្រូវគេទៅវាយ) រងរបួសស្រាលដាច់រលាត់ ស្បែកម្រាមដៃ ឆ្វេង និងជើងឆ្វេងបន្តិច ។
៥-ឈ្មោះ វុន ទី ភេទប្រុស អាយុ ២៣ឆ្នាំ (ក្រុមដែលត្រូវគេទៅវាយ)
៦-ឈ្មោះ ដេត បញ្ញា ភេទប្រុ អាយុ ២៧ឆ្នាំ (ក្រុមដែលត្រូវគេទៅវាយ)
៧-ឈ្មោះ បួន ពិសី ភេទប្រុស អាយុ២៨ឆ្នាំ (ក្រុមត្រូវគេទៅវាយ) ។

បច្ចុប្បន្ន ក្មេងទំនើងទាំង០៧នាក់ ជំនាញបានកសាងសំណុំរឿង និងបញ្ជូនទៅសាលាដំបូងខេត្ត តាមនីតិវិធីច្បាប់ ៕