ព័ត៌មានជាតិ

សមត្ថកិច្ចបង្រ្កាបករណីចោរកម្ម ឃាត់ខ្លួនជនសង្ស័យ ៣នាក់

បាត់ដំបង: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃព្រហស្បតិ៍ ៧កើត ខែកត្តិក ឆ្នាំឆ្លូវ ត្រី​ស័ក ព.ស.២៥៦៥ ត្រូវនឹងថ្ងៃ​ទី១១ ខែវិច្ឆិកា​ ឆ្នាំ​២០២១​ វេលាម៉ោង​១០​និង០០នាទី ដោយអនុវត្តតាម​បទបញ្ជារបស់លោកឧត្តមសេនីយ៍ទោ​ សាត​ គឹមសាន​ ស្នងការនគរ​បាលខេត្តបាត់ដំបង​ រួមទាំងយោបល់លោកវរ​សេនីយ៍ឯក​ លឹម​ ពុទ្ធីឡា​ ស្នង​ការរងផែនការងារនគរបាល​ព្រហ្មទណ្ឌ​ នៅថ្ងៃព្រហស្បតិ៍ ៧កើត ខែកត្តិក ឆ្នាំឆ្លូវ ត្រី​ស័ក ព.ស.២៥៦៥ ត្រូវនឹងថ្ងៃ​ទី១១ ខែវិច្ឆិកា​ ឆ្នាំ​២០២១​ វេលាម៉ោង ​១០​និង០០នាទី លោកវរសេនីយ៍ឯក​ សុខ​ សារិន​ អធិការនគរ​បាលស្រុកបវេល​ ដឹកនាំកម្លាំ​ង​ផែ្នកជំនាញស​ហ​ការជាមួយ​កម្លាំងនគរ​បាលស្រុកកម្រៀង​ ដែលមានលោកវរសេនី​យ៍​ទោ​ វេ​ គឹ​មចត់​ ជាអធិការ​បាន​ ធ្វើប្រតិបត្តិការបង្រ្កាបករ​ណី​ចោរកម្ម (លួចយកម៉ូតូ) ដែ​លធ្វើសកម្មភាពលួចក្នុងស្រុកបវេ​ល​ ចំ​នួ​ន​​០២ករណី​ ដោយឃា​ត់ខ្លួនជនសង័្ស​យ​ ចំនួន០៣នាក់​ មានឈ្មោះដូចខាងក្រោម:
១-ឈ្មោះ សុខ លីន ហៅ ឡេង ភេទ ប្រុស អា​យុ ៣១ឆ្នាំ ជនជាតិខ្មែរ រស់នៅភូមិភ្នំធំខាងជើង ឃុំអូរប្រាសាទ ស្រុកមង្គលបុរី ខេត្តបន្ទាយ​មាន​ជ័យ ។
២- ឈ្មោះ សឿន គង់ ភេទ ប្រុស អា​យុ ២០ឆ្នាំ ជនជាតិខ្មែរ រស់នៅភូមិភ្នំធំខាងជើង ឃុំអូរប្រា​សាទ ស្រុកមង្គល​បុរី ខេត្តបន្ទាយមានជ័យ។
៣- ឈ្មោះ ធី នំ ភេទប្រុស អាយុ ២១ឆ្នាំ ជនជាតិខ្មែរ រស់នៅភូមិភ្នំធំខាង​ត្បូង ឃុំអូរប្រាសាទ ស្រុកមង្គលបុរី ខេត្ត​​បន្ទាយមានជ័យ។

ចំពោះមូលហេតុដែលឈានដល់ការបង្រ្កាបនិងឃាត់ខ្លួននេះគឺ៖ លើកទី០១ កាលពីថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង ១៨និង៣០នា​ទី​ នៅចំណុចភូមិឃ្លាំង ឃុំឃ្លាំងមាស ស្រុកបវេល ខេត្តបាត់ដំបង​ ក្រុមជនសង័្សយខាងលើធ្វើសកម្ម​ភាពលួចយកម៉ូតូម៉ាកហុងដា វ៉េវ ពណ៌ខ្មៅលាយក្រហម គ្មានស្លាកលេខ ជារប​ស់ជនរងគ្រោះឈ្មោះ កប ស្រីនាង ភេទស្រី អាយុ ៣៦ឆ្នាំ​ រស់នៅភូមិ ឃុំកើត​ហេតុខាងលើ។

លើកទី០២​ កាលពីថ្ងៃទី០៩ ​ខែវិច្ឆិកា ឆ្នាំ២០​២១ វេលាម៉ោង ១១​និង​០០នាទី នៅចំណុចភូមិតាគត់ ឃុំក្ដុលតា​ហែន ស្រុកបវេល ខេត្តបាត់ដំបង ក្រុម​​​ជនសង័្សយ​បានធ្វើសកម្មភាពលួច​យកម៉ូតូចំនួន០១គ្រឿង ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៥ ជា​របស់ជនរងគ្រោះឈ្មោះ នាម ភួង ភេទ ស្រី អាយុ ៤៩ឆ្នាំ រស់នៅភូមិ​ ឃុំកើតហេតុខាងលើ។ នៅក្រោយពេលកើតហេតុទាំងពីរ​លើក​ និងទទួ​លបាននូវពាក្យបណ្តឹង​របស់ជនរងគ្រោះសមត្ថកិច្ចនគរ​បាលស្រុកបវេល​ បានសហការគ្នាធ្វើការស្រាវជ្រាវ​ កំណត់មុខសញ្ញាបាន និងឈា​ន​ដល់ការបង្រ្កាបតែម្តង។ ដកហូតវត្ថុតាងរួមមាន៖ ម៉ូតូ​ ចំនួន០១គ្រឿង ម៉ាកហុងដា វ៉េវ ពណ៌ខ្មៅលាយក្រហម គ្មានស្លាកលេខ ជារបស់ជនរងគ្រោះ​។

បច្ចុប្បន្ន សមត្ថកិច្ចនគរបាលស្រុក បានកសាងសំ​ណុំរឿងបញ្ជូនមកការិយាល័យជំនាញអនុវត្តបន្តតាមច្បាប់​៕

មតិយោបល់