ភ្នំពេញ: នៅថ្ងៃទី២៧ ខែវិច្ឆិកា ឆ្នាំ២០២១ ម៉ោង ២និង០០នាទីរសៀល កម្លាំងអធិការដ្ឋាននគរបាលខណ្ឌមានជ័យ និងគណ:បញ្ជាការឯកភាពសង្កាត់ស្ទឹងមានជ័យទី១ សហការជាមួយកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ដឹកនាំដោយលោកវរសេនីយ៍ទោ រ៉ឹម មិច នាយការិយាល័យប្រឆាំងគ្រឿងញៀន បានចុះរដ្ឋបាលនៅតំបន់សំណង់មិនរៀបរយ ស្ថិតនៅភូមិមានជ័យ១(ភូមិបច្ឆា) សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ជាលទ្ធផលនៃប្រតិបត្តិការនេះ បានធ្វើការត្រួតពិនិត្យរកឃើញក្រាមពណ៌សថ្លា សង្ស័យសារធាតុញៀន ចំនួន០២កញ្ចប់តូច និងឃាត់ខ្លួនមនុស្សចំនួន ៩នាក់ (ស្រី០៣នាក់) បញ្ជូនមកទីស្នាក់ការប៉ុស្តិ៍នគរបាលរដ្ឋបាល ស្ទឹងមានជ័យទី១ ដើម្បីធ្វើការសាកសួរ និងកសាងសំណុំរឿងចាត់ការបន្តតាមនីតិវិធី៕
មតិយោបល់