កំពងស្ពឺៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា មនុស្សម្នាក់បានស្លាប់ និងម្នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍ រវាងរថយន្ដនិងម៉ូតូ នៅលើផ្លូវជាតិលេខ៥១ ៣១-៣២ ចំណុចភូមិអង្គតាឡឹក ឃុំសំបូរ ស្រុកសំរោងទង ខេត្តកំពង់ស្ពឺ កាលថ្ងៃទី០៤ ខែធ្នូ ឆ្នាំ២០២១ វេលាម៉ោង១៩និង១០នាទី ។
សមត្ថកិច្ចបានអោយដឹងថា មុនពេលកើតហេតុមានរថយន្ដ១គ្រឿង ម៉ាកនីសាន់ ណាវ៉ារ៉ា ពណ៌ទឹកប្រាក់ ពាក់ស្លាកលេខកំពង់ស្ពឺ 2C-2556 អ្នកបើកបរមិនស្គាល់អត្តសញ្ញាណ (គេចខ្លូនក្រោយកើតហេតុ) បើកបរពីត្បូងទៅជើង មកដល់ចំណុចខាងលើបានប៉ះម៉ូតូ១គ្រឿង ម៉ាកហុងដា សេ125 ស៊េរី2018 ពណ៌ខ្មៅ ពាក់ស្លាកលេខកំពង់ចាម 1R-0748 អ្នកបើកបរឈ្មោះ សេង សុខណា ភេទប្រុស អាយុ២៦ឆ្នាំ ឌុបមនុស្សម្នាក់ឈ្មោះ អូន សុធីវណ្ណ ភេទប្រុស អាយុ២៧ឆ្នាំ អ្នកទាំងពីររស់នៅភូមិទួលខ្ពស់ ឃុំក្រូច ស្រុកជើងព្រៃ ខេត្តកំពង់ចាម ដែលកំពុងបើកបរពីជើងទៅត្បូងបញ្ច្រាសទិសគ្នា បណ្ដាលអោយឈ្មោះសេង សុខណា ស្លាប់នៅកន្លែងកើតហេតុ ចំពោះសពត្រូវប្រគល់ជូនក្រុមគ្រួសារ ធ្វើបុណ្យតាមប្រពៃណី និងឈ្មោះ អូន សុធីវណ្ណ រងរបួសធ្ងន់ ត្រូវបានបញ្ជូនទៅព្យាបាលនៅមន្ទីរពេទ្យ ។
ក្រោយកើតហេតុរួចសមត្ថកិច្ច បានធ្វើការវាសវែង និងយកវត្ថុតាង រថយន្ត និងម៉ូតូ មករក្សាទុកនៅប៉ុស្ដិ៍នគរបាលរដ្ឋបាលត្រពាំងគង ដើម្បីស្រាវជ្រាវ និងកសាងសំណុំរឿងតាមនីតិវិធី ៕
មតិយោបល់