ភ្នំពេញៈ នៅវេលាម៉ោង០៧និង២៧នាទីព្រឹក ថ្ងៃទី០៦ ខែធ្នូ ឆ្នាំ ២០២១ មានករណីគ្រោះថ្នាក់ចរាចរណ៍មួយបានកើតឡើង រថយន្តម៉ាក ហាយឡែនឌ័រ មួយគ្រឿង បើកបត់ចូលផ្លូវបេតុងជិតផុតហើយ ស្រាប់តែម៉ូតូទៅបុកពីក្រោយបណ្តាលឲ្យ ប្តីប្រពន្ធពីរនាក់ រងរបួសធ្ងន់ ស្ថិតតាមបណ្តោយមហាវិថី ឈ្នះ ឈ្នះ ខាងកើតវិមាន ឈ្នះ ឈ្នះ ក្នុងសង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ ។

ហេតុកការណ៍ករណីគ្រោះថ្នាក់ចរាចរណ៍ខាងលើនេះ មានរថយន្តមួយគ្រឿងម៉ាក ហាយឡែនឌ័រ ពណ៌សពាក់ស្លាកលេខ ភ្នំពេញ 2AU 7298 បើកបរដោយបុរសម្នាក់ ។ ចំណែកឯម៉ូតូម៉ាកឌ្រីម ពណ៌ខ្មៅ ពាក់ស្លាកលេខ ភ្នំពេញ 1GJ 8771 ជិះឌុបគ្នាដោយប្តីប្រពន្ធពីរនាក់ ។

ដំណើររឿងហេតុ៖ នៅមុនពេលកើតហេតុ រថយន្តខាងលើ បានបើកបត់ចូលផ្លូវបេតុង ពីត្បូងទៅមជើងដោយបើកឆ្លង មហាវិថី ឈ្នះ ឈ្នះ ខណៈបើកជិតផុតទៅហើយ ស្រាប់តែមានម៉ូតូមួយគ្រឿង បើកបរក្នុងល្បឿនលឿនទិសដៅពីកើត ទៅលិច ក៏ជ្រុលទៅបុកគូទរថយន្តខាងស្តាំ ផ្នែកខាងក្រោយ បណ្តាលឱ្យក្រពិត រីឯម៉ូតូនោះវិញរងការខូចខាតព្រមទាំង ប្តីប្រពន្ធពីនាក់ ដែលជិះម៉ូតូនោះរងរបួសធ្ងន់ ។

បន្ទាប់ពីកើតហេតុ អ្នករងរបួសត្រូវបានដឹកបញ្ជូនទៅកាន់មន្ទីរពេទ្យេ រីឯម៉ូតូនឹងរថយន្តសមត្ថកិច្ចមូលដ្ឋាន ប្រគល់ករណីនេះ ទៅខាងការិយាល័យរាជធានីភ្នំពេញ ដើម្បីចាត់ការបន្ត ៕