ភ្នំពេញៈ រថយន្តកូរេដឹកឥដ្ឋមួយគ្រឿងបើកលឿនអកហ្សើបុកគូថ រថយន្តស៊ីណាពីក្រោយពេញទំហឹងបែកកញ្ចក់ក្រោយខ្ទេច។
ហេតុការណ៍នេះ បានកើតឡើងកាលពីវេលាម៉ោង ១២និង២០នាទីថ្ងៃត្រង់ថ្ងៃទី១២ ខែមករា ឆ្នាំ២០២២ ចំណុចទល់មុខខែបបាយ តាមបណ្តោយផ្លូវជាតិលេខ៥ ក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

រថយន្តរងគ្រោះម៉ាក ស៊ីណា ពណ៌ទឹកប្រាក់ ពាក់ស្លាកលេខ ភ្នំពេញ 2AG-7182 បើកដោយបុរសម្នាក់ រួមដំណើរដោយស្ត្រីម្នាក់និងក្មេងម្នាក់។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុរថយន្តទាំងពីរគ្រឿង បានបើកស្របទិសគ្នាក្នុងទិសដៅពីត្បូងទៅជើង ដោយរថយន្តស៊ីណាបើកខាងមុខ រថយន្តកូរេបើកខាងក្រោយ លុះមកដល់ចំណុចកើតហេតុរថយន្តស៊ីណាបង្អង់ល្បឿន បំណងបត់ឆ្វេង ស្រាប់តែរថយន្តកូរេបើកលឿនអកហ្សើជ្រុលទៅបុកគូថពីក្រោយ បណ្តាលឲ្យបែកកញ្ចក់ ខូចខាតកាងក្រោយ ឯរថយន្តកូរេខូចខាតខាងមុខ។

ក្រោយពីកើតហេតុសមត្ថកិច្ចមូលដ្ឋាន បានចុះមកដល់ពិនិត្យមើលកន្លែងកើតហេតុ និងវាស់វែងយករថយន្តទាំងពីរគ្រឿងដាក់ខាង រួចភាគីឲ្យទាំងសងខាងដោះស្រាយគ្នាជាសំណងការខូចខាតបញ្ចប់រឿង៕