ព្រះសីហនុៈ នៅវេលាម៉ោង១៩និង៤០នាទី ថ្ងៃទី១៩ ខែមករា ឆ្នាំ២០២២ មានករណីគ្រោះថ្នាក់ចរាចរណ៍ មួយបានកើតឡើង រថយន្តមួយគ្រឿងម៉ាកតាកូម៉ាបើកបរបុកម៉ូតូ បណ្តាលឲ្យបុរសម្នាក់ស្លាប់នៅនឹងកន្លែងកើតហេតុ
នៅត្រង់ចន្លោះគីឡូម៉ែត្រលេខ 199-200 លើដងផ្លូវជាតិលេខ៤ ស្ថិតក្នុងភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។

ហេតុការណ៍ករណីគ្រោះថ្នាក់ចរាចរណ៍ខាងលើ រវាងរថយន្ត0១គ្រឿង ម៉ាកតាកូម៉ា ពណ៌ខ្មៅ ពាក់ស្លាកលេខ ភ្នំពេញ 2AY-8257 អ្នកបើកបរគេចបាត់ ក្នុងទិសដៅពីខេត្តព្រះសីហនុ-ភ្នំពេញ មកដល់ចំណុចកើតហេតុ បានបុកម៉ូតូ0១គ្រឿង ម៉ាក Honda Dream ពណ៌ខ្មៅ គ្មានស្លាកលេខ ទិសដៅផ្ទុយគ្នា អ្នកបើកបរឈ្មោះ ភុង សិដ្ឋ ភេទប្រុស អាយុ៤៣ឆ្នាំ ទីលំនៅភូមិកោះចំការ ឃុំបឹងសាឡាងខាងត្បូង ស្រុកកំពង់ត្រាច ខេត្តកំពត បណ្ដាលឱ្យអ្នកបើកបរម៉ូតូស្លាប់នៅកន្លែងកើតហេតុ ។

បច្ចុប្បន្ន សាកសពជនរងគ្រោះខាងលើ កម្លាំងសមត្ថកិច្ចកំពុងរង់ចាំសាច់ញាតិក្រុមគ្រួសារ យកទៅធ្វើបុណ្យតាមប្រពៃណី ។ រីឯវត្ថុតាងយកទៅរក្សាទុកជាបណ្តោះអាសន្ន នៅអធិការដ្ឋាននគរបាលស្រុកព្រៃនប់ ដើម្បីអនុវត្តន៍ទៅតាមនីតិវិធីផ្លូវច្បាប់ ៕