កណ្តាលៈ ករណីលួចម៉ូតូមិនបានសម្រេច កើតហេតុនៅ
ថ្ងៃទី២០ ខែមករា ឆ្នាំ២០២២ វេលាម៉ោង១១និង៤០នាទី
ចំណុចចំការចេកដីរបស់ឈ្មោះសែ ភូមិតាជោ ឃុំសារិកាកែវ ស្រុកល្វាឯម ខេត្តកណ្តាល។
ជនរងគ្រោះ ចំនួន ០១ នាក់
១-ឈ្មោះឆែ សុភី ភេទស្រី អាយុ៣៦ ឆ្នាំ ជនជាតិខ្មែរ មុខរបរ កសិករ
ទីលំនៅ ភូមិតាជោ ឃុំសារិកាកែវ ស្រុកល្វាឯម ខេត្តកណ្ដាល
ជនសង្ស័យ ចំនួន០១នាក់(ឃាត់ខ្លួន)
១-ឈ្មោះខុម បញ្ញា ភេទប្រុស អាយុ ២៥ឆ្នាំ ជនជាតិ ខ្មែរ មុខរបរជាងផ្សារដែក
ទីលំនៅ ភូមិក្តីកណ្ដាល ឃុំសារិកាកែវ ស្រុកល្វាឯម ខេត្តកណ្ដាល ។
វត្ថុតាងចាប់យក៖
១-ម៉ូតូម៉ាកគុបជ្រុងពណ៌ទឹកប្រាក់ ពាក់ស្លាកលេខ ភ្នំពេញ1AN-7536 ចំនួន០១គ្រឿង(របស់ជនរងគ្រោះ)
២-ដែកជ្រុងមុខសំប៉ែតចំនួន០១
៣-សោរសម្រាប់ដោះខ្ចៅម៉ាស៊ីនមុខពីរលេខ០៨ និងលេខ១០ ចំនួន០១
៤-កន្ត្រៃចំនួន០១
៥-ដង្កាប់ចំនួន០១
៦-កូនសោរចំនួន០៣
៧-កូនពិលតូចចំនួន០១
៨-កាបូបដាក់សំភារៈចំនួន០១
តាមដំណើររឿងនៅថ្ងៃទី២០ ខែមករា ឆ្នាំ២០២២ វេលាម៉ោង៨និង០០នាទីជនរងគ្រោះឈ្មោះឆែ សុភី បានជិះម៉ូតូម៉ាកគុបពណ៌ទឹកប្រាក់ពាក់ស្លាកលេខភ្នំពេញ 1AN-7536ចេញពីផ្ទះទៅចំណុចចំការចេកដីរបស់ឈ្មោះ សែ ដើម្បីកាត់ស្លឹកចេកពេលទៅដល់បានទុកម៉ូតូនៅក្រោមដើមត្នោតហើយបានចាក់សោករួចក៏ចូលទៅក្នុងចម្ការចេក លុះដល់វេលាម៉ោង១១និង៤០នាទីជនរងគ្រោះបានឮសំឡេងបញ្ឆេះម៉ូតូក៏ចេញពីចំការចេកមកមើលឃើញជនសង្ស័យជិះម៉ូតូចេញទើបជនរងគ្រោះបានស្រែកសួរថាយកម៉ូតូទៅណាជនសង្ស័យក៏បត់ម៉ូតូមកវិញហើយឈប់ជនរងគ្រោះក៏សួរជនសង្ស័យបានឆ្លើយថាមិនបានយកទេ ទើបជនរងគ្រោះបានស្រែកហៅអ្នកជិតខាងនៅក្បែរនោះ ពេលនោះជនសង្ស័យក៏បានដើរចេញពីកន្លែងកើតហេតុហើយជនរងគ្រោះដើរតាមពីក្រោយនឹងប្រាប់ប្រជាការពារឈ្មោះសឿននិងឈ្មោះឡៃ ទើបប្រជាការពារទាំងពីរនាក់នេះបានរាយការណ៏មកសមត្ថកិច្ចនគរបាលប៉ុស្តិ៍សារិកាកែវ តាមរកជនសង្ស័យឃើញកំពុងដេកនៅលើគ្រែមុខផ្ទះរបស់គេដែលម្ចាស់មិននៅម្ដុំអូរខ្វិតភូមិតាជោ ឃុំសារិកាកែវ ស្រុកល្វាឯម ខេត្តកណ្ដាល ។
បច្ចុប្បន្នជនសង្ស័យបាននាំមកអធិការដ្ឋាននគរបាលស្រុកល្វាឯមដើម្បីបន្តចាត់ការតាមនីតិវិធី៕