សៀមរាបៈ នៅថ្ងៃព្រហស្បត្តិ៍ ១០រោច ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៧ ខែមករា ឆ្នាំ២០២២ វេលាម៉ោង ១២ និង៣០ នាទីយប់រំលងអធ្រាត្រ លើផ្លូវជាតិលេខ៦ ត្រង់ចំណុចខាងកើតមណ្ឌលសុខភាពព្រៃជ្រូក ចម្ងាយ២៥០ម៉ែត្រ លើភូមិព្រៃជ្រូក ឃុំព្រៃជ្រូក ស្រុកពួក ខេត្តសៀមរាប រវាងរថយន្តហ៊ីយ៉ាន់ដាយ និងគោយន្តកន្ត្រៃបុកគ្នា បណ្តាលឲ្យមនុស្ស០២នាក់ ស្លាប់ម្នាក់ និងរងរបួសម្នាក់ ។

ករណីគ្រោះថ្នាក់ចរាចរណ៍ខាងលើ មានរថយន្តមួយគ្រឿងម៉ាកហ៊ីយាន់ដាយ ពណ៌ក្រហម-ស ពាក់ផ្លាកលេខ ភ្នំពេញ 3B3293 សណ្តោងស៊ឺមីរ៉ឺម៉ក ពាក់ផ្លាកលេខព្រះសីហនុ 4 A 1105 បើកបរដោយជនមិនស្គាល់អត្តសញ្ញាណ ។ ក្រោយពេលកើតហេតុ រត់គេចខ្លួនបាត់ បើកបរទិសដៅពីលិចទៅកើត បានបុកគោយន្តកន្ត្រៃម៉ាគូបូតា ពណ៌ក្រហមគ្មានផ្លាកលេខ បើកបរដោយឈ្មោះ វ៉ុន វៀង ភេទប្រុស អាយុ២៣ឆ្នាំ នៅរស់ភូមិធ្វាស ឃុំត្រីញ័រ ស្រុកពួក ខេត្តសៀមរាប មុខរបរកសិករដឹកមនុស្សម្នាក់ឈ្មោះ មុំ អ៊ុន ភេទប្រុស អាយុ៦១ឆ្នាំ រស់នៅភូមិធ្វាស ឃុំត្រីញ័រ ស្រុកពួក ខេត្តសៀមរា មុខបរបរកសិករ បើកបរទិសដៅពីលិចទៅកើត ។ ករណីនេះបណ្ដាលឲ្យស្លាប់មនុស្សម្នាក់ឈ្មោះ មុំ អ៊ុន និងរបួសស្រាលម្នាក់ឈ្មោះ វ៉ុន វៀង ។ ខូចខាតរថយន្ត០១គ្រឿងស្រាល និងគោយន្តកន្ត្រៃ០១គ្រឿងធ្ងន់ ។ មូលហេតុ៖ អ្នកបើកបររថយន្ត បើកបរក្នុងល្បឿនលឿន ខ្វះការប្រុងប្រយ័ត្ន ។

ក្រោយពេលកើតហេតុ កម្លាំងផ្នែកជំនាញសហការជាមួយកម្លាំងប៉ុស្តិ៍រដ្ឋបាលព្រៃជ្រូក ចុះវាស់វែងកន្លែងកើតហេតុយកវត្ថុតាងទៅ រក្សាទុកនៅអង្គភាព ដើម្បីចាត់ការតាមនីតិវិធី ។ ចំណែកសាកសពជនរងគ្រោះ ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ៕