-

កម្លាំង​​នគរបាល​បង្ក្រាប​បទល្មើស​គ្រឿងញៀន ​ឃាត់ខ្លួន​ជនសង្ស័យ​ចំនួន០​៦​នាក់​

កំពង់ចាម: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ​នៅ​ថ្ងៃ​ទី​០៣​ ខែកុម្ភ:​ ឆ្នាំ​២០២២​ លោក​ឧត្តមសេនីយ៍ទោ​ ឯម​ កុសល​ ស្នងការ​នគរបាល​ខេត្តកំពង់ចាម​ ដោយ​បានការ​អនុញ្ញាត​ពី​លោក​ សុធា​ ពិសិដ្ឋ​ ព្រះរាជអាជ្ញា​រង​ នៃ​អយ្យការ​អម​សាលាដំបូង​ខេត្តកំពង់ចាម​ កម្លាំង​ជំនាញ​ការិយាល័យ ​ប្រឆាំង​គ្រឿងញៀន​ខេត្តកំពង់ចាម​ រួម​ជាមួយ​កម្លាំង​ជំនាញ​ នៃ​អធិការដ្ឋាន​នគរបាល​ស្រុក​ស្ទឹង​ត្រង់​ កម្លាំង​ជំនាញ​ នៃ​អធិការដ្ឋាន​នគរបាល​ស្រុក​ចម្ការលើ​ និង​កម្លាំង​ប៉ុស្ដិ៍​នគរបាល​រដ្ឋបាល​ដងក្ដារ​ ដឹកនាំ​ដោយ​លោក​ឧត្តមសេនីយ៍ត្រី​ ជីវ​ សេង​រស់​ ស្នងការ​រង​ ទទួល​ផែនការ​ងារ​ប្រឆាំង​គ្រឿងញៀន​ បាន​បើក​កិច្ច​ប្រតិបត្តិការ​ចុះ​បង្ក្រាប​ ករណី​ ជួញដូរ​ ដោយ​ខុសច្បាប់​នូវ​សារធាតុ​ញៀន​ចំនួន​ ០១​ករណី​ ឃាត់ខ្លួន​ជនសង្ស័យ​សរុប​ចំនួន​០៣​នាក់​ ។​

​ជនសង្ស័យ​មានឈ្មោះ​ ១-​សំ​ ផានិត​ ភេទ​ប្រុស​ ឣា​យុ​២៩​ឆ្នាំ​ ជាតិខ្មែរ​ មុខរបរ​ កសិករ​ មាន​ទីលំនៅ​ភូមិ​ស្ដៅ​ ឃុំ​ដងក្តារ​ ស្រុក​ស្ទឹង​ត្រង់​ ខេត្តកំពង់ចាម​ (​ជា​មុខសញ្ញា​មាន​ថ្នាំ​ញៀន​ចំនួន​ ០៤​កញ្ចប់​)​ ។ ២-ឈ្មោះ​ ម៉ាត់​ ក្រី​យ៉ា​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរឥស្លាម​ មុខរបរ​ មិន​ពិតប្រាកដ​ មាន​ទីលំនៅ​ភូមិ​ស្ពឺ​ ឃុំ​ជយោ​ ស្រុក​ចម្ការលើ​ ខេត្តកំពង់ចាម​ ។​ ៣-ឈ្មោះ​ វាន់​ សូត្រ​ ភេទ​ប្រុស​ អាយុ​២៥​ឆ្នាំ​ ជនជាតិ​ខ្មែរឥស្លាម​ មុខរបរ​ កសិករ​ មាន​ទីលំនៅ​ភូមិ​ស្ពឺ​ ឃុំ​ជយោ​ ស្រុក​ចម្ការលើ​ ខេត្តកំពង់ចាម​ ។​

​ដកហូត​វត្ថុ​តាង​រួម​មាន​៖​ ម្សៅ​ក្រាម​ពណ៌​ស ​សង្ស័យ​ជា​ថ្នាំ​ញៀន​ចំនួន​០៥​កញ្ចប់​,​ ទូរស័ព្ទ​ដៃ​ចំនួន​០២​គ្រឿង​ និង​ឧបករណ៍​ប្រើប្រាស់​ថ្នាំ​ញៀន​មួយ​ចំនួន​ ។​

លុះ​រហូត​ដល់​ថ្ងៃ​ទី​០៤​ ខែកុម្ភ:​ ឆ្នាំ​២០២២​ សមត្ថកិច្ច​បាន​បន្ដ​កិច្ច​ប្រតិបត្តិការ​ខាងលើ​ ធ្វើការ​ស្រាវជ្រាវ​ឃាត់ខ្លួន​បាន​ជនសង្ស័យ​ចំនួន​ ០៣​នាក់​ទៀត​៖​ ១.​ឈ្មោះ​ ផា​ន់​នី​ វណ្ណ:​ ភេទ​ប្រុស​ ឣា​យុ​ ៣៧​ឆ្នាំ​ ជាតិខ្មែរ​ មុខរបរ​ កសិករ​ មាន​ទីលំនៅ​ភូមិ​ទួល​ស្រូវ​ ឃុំ​តា​អុង​ ស្រុក​ចម្ការលើ​ ខេត្តកំពង់ចាម​ (​ជា​មុខសញ្ញា​មាន​ថ្នាំ​ញៀន​ចំនួន​០២​កញ្ចប់​)​ ។​ ២.​ឈ្មោះ​ សែ​ម​ ណែ​ល​ ភេទ​ប្រុស​ ឣា​យុ​ ២៥​ឆ្នាំ​ ជាតិខ្មែរ​ មុខរបរ​ កសិករ​ មាន​ទីលំនៅ​ភូមិ​ស្ពឺ​លិច​ ឃុំ​ស្ពឺ​ ស្រុក​ចម្ការលើ​ ខេត្តកំពង់ចាម​ ។​ ៣.​ឈ្មោះ​ ​រី​ អ៊ីសា​​ ភេទ​ប្រុស​ ឣា​យុ​ ២៧​ឆ្នាំ​ ជនជាតិ​ខ្មែរ​-​ឥ​ស្លា​ម​ មុខរបរ​ កសិករ​ មាន​ទីលំនៅ​ភូមិ​ស្ពឺ​(​ក​)​ ឃុំ​ជយោ​ ស្រុក​ចម្ការលើ​ ខេត្តកំពង់ចាម​ (​ជា​មុខសញ្ញា​មាន​ថ្នាំ​ញៀន​ចំនួន​ ០១​កញ្ចប់​)​ ។​

​ដកហូត​វត្ថុ​តាង​រួម​មាន​ ម្សៅ​ក្រាម​ពណ៌​ស​សង្ស័យ​ជា​ថ្នាំ​ញៀន​ចំនួន​០៣​កញ្ចប់​ និង​ទូរស័ព្ទ​ដៃ​ចំនួន​០៣​គ្រឿង​ ។​

​ករណី​នេះ​ កម្លាំង​ជំនាញ​ផ្នែក​ប្រឆាំង​គ្រឿងញៀន​ បាន​កសាង​សំណុំរឿង​ បញ្ជូន​ទៅ​អយ្យការ​អម​សាលាដំបូង​ខេត្ត​ ដើម្បី​អនុវត្ត​បន្ត​តាម​នីតិវិធី​ ៕

មតិយោបល់