ដឹងហើយថាផឹកទឹកកាន់តែច្រើន គឺកាន់តែមានប្រយោជន៍ចំពោះសុខភាព ប៉ុន្តែផឹកខុសពេលគ្នាផ្ដល់ផលមិនដូចគ្នានោះទេ។
បង្កើនថាមពល៖ ក្រោយភ្ញាក់ពីដំណេក ចូរផឹកទឹកដូង ៣៦០ មិល្លីលីត្រ ព្រោះនៅក្នុងកំឡុងពេលដេកអ្នកបាត់បង់ការសន្សំទឹកទុក ដែលធ្វើឲ្យខួរក្បាលគ្មានភាពស្រស់ថ្លានៅពេលព្រឹក។ ដូច្នេះចាប់ផ្ដើមថ្មីដោយការផឹកទឹក ហើយអ្នកនឹងមិនចាំបាច់ពឹងលើកាហ្វេអ៊ីនពីតែ ឬ កាហ្វេទៀតឡើយ ថែមទាំងសន្សំប្រាក់នៅក្នុងហោប៉ៅបានទៀតផង។
កាត់បន្ថយការឃ្លានអាហារ ៖ ផឹកទឹក ៣០នាទី មុនពេលទទួលទានបាយ(៣៦០ មិល្លីលីត្រ) ពេលណាដែលអ្នកឃ្លានអាហារចូរផឹកទឹកមុនជានិច្ច ហើយបើនៅតែហេវ គឺអាចទទួលទានអាហារសម្រន់ ឬ អាហារដែលមានប្រយោជន៍(ផ្ដោតលើអាហារកាកសរសៃច្រើន)។
រំញោចប្រព័ន្ធដុតបំផ្លាញ ៖ ផឹកទឹកពេញមួយថ្ងៃ (ម្ដង ២៤០ មិល្លីលីត្រ) លទ្ធផលនៃការស្រាវជ្រាវរបស់ប្រទេសអាល្លឺម៉ង់បានរកឃើញថា ការផឹកទឹកត្រជាក់ ១,៥០០ មិល្លីលីត្រក្នុងមួយថ្ងៃ (ស្មើនឹងទឹកសុទ្ធដបធំមួយដប) អាចជួយឲ្យអ្នកដុតបំផ្លាញថាមពលរហូតដល់ទៅ ៥០ កាឡូរីក្នុងមួយថ្ងៃ ដោយមិនចាំបាច់ហាត់ប្រាណ។ នេះមានន័យថា កាត់បន្ថយប្រមាណជា ២ គីឡូក្រាមក្នុងមួយឆ្នាំតែម្តង ហើយអ្នកក៏អាចបង្កើននូវកម្រិតនៃការដុតបំផ្លាញបានកាន់តែច្រើន ដោយបង្កើនសីតុណ្ហភាពនៃទឹកប្រមាណជា ៣៧ អង្សាសេ៕
មតិយោបល់