-

សមត្ថកិច្ចចុះបង្ក្រាបល្បែងស៊ីសងខុសច្បាប់ឃាត់ខ្លួនមនុស្ស៩នាក់ និងដកហូតបៀរ១៧ហ៊ូ

ភ្នំពេញ: យោងតាមផេករបស់អធិការដ្ឋាននគរបាលខណ្ឌដូនពេញ លោក វរសេនីយ៍ឯក ទៀង ច័ន្ទសារ បានឲ្យដឹងថា នៅរសៀលថ្ងៃទី០៩ ខែកុម្ភ: ឆ្នាំ២០២២ វេលាម៉ោង ១៥:១០នាទីរសៀល កម្លាំងអធិការដ្ឋាននគរបាលខណ្ឌ ដូនពេញ សហការជាមួយកម្លាំងគណ:បញ្ជាការឯកភាពខណ្ឌដូនពេញ និងគណ:កម្មាការផ្សារចាស់ បានបើកកិច្ចប្រតិបត្តិការបង្ក្រាបល្បែងស៊ីសងខុសច្បាប់(ប្រភេទលេងបៀរ ) នៅចំណុចតូបលេខ៥២៤, ៥២៥, ៧៣, ៥០២ ក្នុងផ្សារចាស់ សង្កាត់វត្តភ្នំ និងឃាត់ខ្លួនមនុស្សចំនួន០៩នាក់ ព្រមទាំងដកហូតវត្ថុតាង បៀរចំនួន ១៧ហ៊ូ។

បច្ចុប្បន្នកម្លាំងជំនាញកំពុងសាកសួរចម្លើយ ដើម្បីចាត់ការបន្តតាមនីតិវិធីច្បាប់ ៕

 

មតិយោបល់