-

ក្រោមឥទ្ធិពលគ្រឿងស្រវឹង បង្កទៅជាទំនាស់ពាក្យសំដី រហូតឈានដល់កាប់បុរសម្នាក់រងរបួស

បាត់ដំបង: យោងតាមផេកការិយាល័យផ្សព្វផ្សាយតាមបណ្ដាញសង្គមបានឲ្យដឹងថា នៅថ្ងៃ​សុក្រ​ ៤កើត​ ខែ​ជេស្ឋ​ ឆ្នាំ​ខាល​ ចត្វាស័ក​ព.ស ២៥៦៦ ​ត្រូវនឹងថ្ងៃទី០៣ ខែមិថុនា ឆ្នាំ២០​២​២ អនុវត្តតាម​យោបល់ដឹកនាំរបស់ លោកឧត្តមសេ​នី​យ៍ទោ​ សាត​ គឹមសាន​ ស្នងការ​នៃស្នងការដ្ឋាននគរ​បាលខេត្តបាត់ដំបង​ រួមនឹងយោបល់រប​ស់ លោក​វរ​សេនីយ៍ឯក​ លឹម​ ពុទ្ធីឡា​ ស្នងការរងផែនការងារនគរបាលព្រហ្មទ័ណ្ឌ​ លោកវរសេនី​យ៍ទោ​ ហេង​ បារាំង​ អធិការនគរបាលស្រុកភ្នំព្រឹ​ក​​បានដឹក​នាំកម្លាំងផ្នែកជំនាញ​ រួមជាមួយកម្លាំងប៉ុ​ស្តិ៍នគរបាលរដ្ឋបាល ឃាត់ខ្លួនជនសង័្សយម្នាក់ ឈ្មោះ ឡុង វុទ្ធី ហៅ វុធ អាយុ ៥៧ឆ្នាំ មានទីលំនៅភូមិអូរធំ ឃុំភ្នំព្រឹក ស្រុកភ្នំព្រឹក ខេត្តបាត់​ដំបង​ (មុខរបរកម្មករ)​ មកកាន់អធិការដ្ឋាននគបាលស្រុក។

សូមជម្រាបជូនថា​ មូលហេតុដែលឈានដល់ការឃាត់ខ្លួននេះគឺ នៅថ្ងៃកើតហេតុខាងលើនាវេលា​ម៉ោង ប្រមាណ១២និង០០នាទី ត្រង់ចំ​ណុ​ចអូរដំបង ស្ថិតក្នុងក្រុមទី៩ ភូមិអូរធំ ឃុំភ្នំព្រឹក ស្រុកភ្នំព្រឹក ខេត្តបាត់​ដំ​បង មានករណីហិង្សាដោយចេតនា មានស្ថានទម្ងន់ទោស (ប្រើកាំ​បិតផ្គាក់កាប់លើជនរងគ្រោះ) ដែល​ករ​ណីនេះបង្កដោយជនសង្ស័យខាងលើយកកាំបិតផ្គាក់​ កាប់ទៅលើជនរងគ្រោះឈ្មោះ ចាន់ ចែម ​ហៅ រឿន ភេទប្រុស អាយុ ​៥​៣​​ឆ្នាំ មានទីលំនៅភូមិអូរធំ​ ឃុំភ្នំព្រឹក​ ស្រុកភ្នំព្រឹក​ ខេត្ត​បាត់ដំបង ​បណ្តាលឲ្យរងរបួស។

នៅចំពោះមុខសមត្ថកិច្ចជនសង័្សយ​បានឆ្លើយ​សារភាពថា​ មូលហេតុដែល​ខ្លួនប្រើកាំបិតកាប់ទៅលើជនរងគ្រោះបែបនេះគឺ ដោយសារខ្លួនមាន​ទំនាស់ពាក្យសំដី​ជាមួយជនរងគ្រោះក៏ផ្តើមទៅជា​កំ​ហឹង និងស្ថិតដោយក្នុងស្ថានភាព​ស្រវឹងផង​ទើបប្រព្រឹត្តិបែបនេះ។

នៅពេលនេះ នគរបាលស្រុកភ្នំព្រឹក បានកសាងសំណុំរឿងបញ្ជូនជនសង័្សយ និងវត្ថុតាងមកការិ​យាល័យជំនាញ ដើម្បីអនុវត្តបន្តតាមនីតិវិធី​ច្បាប់៕

មតិយោបល់