ឧត្តរមានជ័យ: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា កាលពីថ្ងៃអាទិត្យ ២រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែសីហា ឆ្នាំ២០២២ វេលាម៉ោង ២៣និង២០នាទីយប់ មានករណីអំពើហិង្សាដោយចេតនាមានស្ថានទម្ងន់ទោសបណ្តាលឱ្យស្លាប់ ជនរងគ្រោះចំនួន ០១នាក់ ដែលបង្កឡើងដោយក្រុមក្មេងទំនើង ២ក្រុម បានដេញគប់វាយកាប់ចាក់គ្នា នៅតាមដងផ្លូវជាតិលេខ 67B ចំណុចមុខផ្ទះសំណាក់បឹងតាម៉ុក ស្ថិតនៅភូមិអភិវឌ្ឍន៍ ឃុំអន្លង់វែង ស្រុកអន្លង់វែង ។
បន្ទាប់ពីទទួលបានព័ត៌មាន លោកឧត្តមសេនីយ៍ទោ ហួត សុធី ស្នងការនគរបាលខេត្ត បានចាត់លោកឧត្តមសេនីយ៍ត្រី ជួន សួរ ស្នងការរងទទួលផែនការងារនគរបាលព្រហ្មទណ្ឌ លោក វរសេនីយ៍ទោ ស៊ូ នូវ អធិការនគរបាលស្រុកអន្លង់វែង ដឹកនាំកម្លាំងចុះទៅកាន់កន្លែងកើតហេតុភ្លាមៗធ្វើការស្រាវជ្រាវកំណត់មុខសញ្ញាបានឈានដល់ការចាប់ឃាត់ខ្លួនជនសង្ស័យ និងបក្សពួកជាបន្តបន្ទាប់សរុបចំនួន ០៧នាក់៖
១- ឈ្មោះ ព្រួញ កក្កដា ភេទប្រុស អាយុ ១៧ឆ្នាំ រស់នៅភូមិទួលសាលា ឃុំត្រពាំងប្រីយ៍ ស្រុកអន្លង់វែង មុខរបរ (សិស្ស)
២- ឈ្មោះ មឿន ភារ: ភេទប្រុស អាយុ ១៧ឆ្នាំ រស់នៅភូមិសន្តិភាព ឃុំត្រពាំងប្រីយ៍ ស្រុកអន្លង់វែង មុខរបរ(សិស្ស)
៣- ឈ្មោះ មឿន វិតុង ភេទប្រុស អាយុ ១៩ឆ្នាំ រស់នៅភូមិឃ្លាំងកណ្ដាល ឃុំត្រពាំងប្រីយ៍ ស្រុកអន្លង់វែង មុខរបរ (បុគ្គលិកកាស៊ីណូច្រកជាំ)
៤- ឈ្មោះ គុជ សុណា ហៅខ្នារ ភេទប្រុស អាយុ ១៧ឆ្នាំ រស់នៅភូមិទួលសាលា ឃុំត្រពាំងប្រីយ៍ ស្រុកអន្លង់វែង មុខរបរ (បុគ្គលិកកាស៊ីណូច្រកជាំ)
៥- ឈ្មោះ ស៊ឹម បូលី ភេទប្រុស អាយុ ១៩ឆ្នាំ រស់នៅភូមិឯកភាព ឃុំត្រពាំងប្រីយ៍ ស្រុកអន្លង់វែង មុខរបរ (សិស្ស)
៦- ឈ្មោះ ប៉ុន ប៊ុនធី ភេទប្រុស អាយុ ១៦ឆ្នាំ រស់នៅភូមិស្វាយចេក ឃុំថ្លាត ស្រុកអន្លង់វែង មុខរបរ (មិនពិតប្រាកដ)
៧- ឈ្មោះ វិញ ប៊ុនឡុង ភេទប្រុស អាយុ ២២ឆ្នាំ រស់នៅភូមិលំទងថ្មី ឃុំលំទង ស្រុកអន្លង់វែង មុខរបរ (កសិករ) ។
វត្ថុតាងរួមមាន៖ ម៉ូតូម៉ាកហុងដាឌ្រីមចំនួន ០៤គ្រឿង កាំបិតប៉័ងតោចំនួន ០២ ដាវចំនួន ០១ ដំបងក្រលាស់ចំនួន ០១ ។
បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញកំពុងកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធីច្បាប់៕
មតិយោបល់