សមត្ថកិច្ចឃាត់ខ្លួនជនសង្ស័យម្នាក់ករណីដើរលួចគោអ្នកភូមិ…

បាត់ដំបង:យោងតាមផេកស្នងការដ្ឋាននគរបាលខេត្តបាត់ដំបងបានអោយដឹងថា កាលពីយប់ថ្ងៃសុក្រ៩កើតខែពិសាខឆ្នាំថោះបញ្ចស័កព.ស.២៥៦៦ ត្រូវនឹងថ្ងៃទី២៨ខែ មេសាឆ្នាំ២០២៣ វេលាម៉ោងប្រហែល ០៣និង០០នាទីទៀបភ្លឺឈានចូលថ្ងៃទី២៩ខែមេសាឆ្នាំ២០២៣ នៅចំណុចភូមិសង្កែវារ ឃុំបវេល ស្រុកបវេល ខេត្តបា ត់ដំបង មាន ករណីចោរកម្ម (លួចគោ) បង្កឡើងដោយជនសង័្សយ​មិនស្គាល់អត្តសញ្ញាណបានធ្វើ សកម្មភាពលួចគោញីមួយក្បាលរបស់ជនរងគ្រោះឈ្មោះ ខ្លឹម បឿន ភេទប្រុស អា យុ៦៥ឆ្នាំ រស់នៅភូមិសង្កែវារ ឃុំបវេល ស្រុកប វេល ខេត្តបាត់ដំបង ។ភ្លាមៗព័ត៌មាននេះត្រូវដឹងដល់សមត្ថកិច្ចនគរបាល និងដោយអនុវត្តតាមយោបល់ដឹកនាំរបស់លោកឧត្តម​សេនីយ៍ទោ​ សាត​ គឹមសាន​ ស្នងការនៃស្នងការដ្ឋាននគរបាលខេត្តបាត់ដំបង​ លោកវរសេនីយ៍ឯក​ សុខ​ សារិន​ អធិការនគរបាលស្រុកបបវេល​ បានដឹកនាំកម្លាំងពួនស្ទាក់និងបង្រ្កាបឃាត់ខ្លួនបានជនសង័្សយនោះបានគឺឈ្មោះ លុច វីលីប ហៅវិ ភេទប្រុ​ស អាយុ ១៩​ឆ្នាំ រស់នៅភូមិព្រៃតាឡូញ ឃុំបវេល ស្រុកបវេល ខេត្តបាត់ដំបងព្រមទាំងដកហូតបានគោញីមួយក្បាលជារបស់ជនរងគ្រោះខាងលេី។បច្ចុប្បន្នសមត្ថកិច្ចបានឃាត់ខ្លួនជនសង្ស័យ ខាងលើដើម្បីកសាងសំណុំរឿងបញ្ជូនមកការិយាល័យជំ​នាញខេត្ត អនុវត្តតាមនិតិវិធី ច្បាប់​រីឯគោញីបានប្រគ​ល់ជូនម្ចាស់វិញ៕