ព័ត៌មានជាតិ

សមត្ថកិច្ចឃាត់ខ្លួនជនសង្ស័យករណីចូលលួចទូរសព្ទ័ប្រជាពលរដ្ឋក្នុងមន្ទីពេទ្យបង្អែក…

បាត់ដំបង:កាលពីថ្ងៃទី០៩ខែធ្នូ ឆ្នាំ២០២៣សមត្ថកិច្ចនៃអធិ​ការ​ដ្ឋាននគរបាលក្រុងបាត់ដំបងបានទទួល ពាក្យបណ្តឹងពីជនរងគ្រោះចំនួន ០២ នាក់៖
១-ឈ្មោះអ៉ីវ វណ្ណា  ភេទប្រុស អាយុ៣៧ឆ្នាំ  មានទីលំនៅភូមិស្ដីក្រោម  ឃុំព្រែកលួង ស្រុកឯកភ្នំ ខេត្តបាត់ដំបង ។
២-ឈ្មោះ ប៉ង កា ភេទស្រី អាយុ ២៤ឆ្នាំ  មានទីលំ​នៅប្រទេសថៃ ថា មានករណី អំពើលួច (ទូរស័ព្ទ)  របស់ពួកគាត់ កាលពីថ្ងៃទី០៩ ខែធ្នូ ឆ្នាំ២០២៣ វេលាម៉ោងមិនប្រាកដ នៅចំណុច មន្ទីពេទ្យបង្អែក ស្ថិតក្នុងក្រុមទី៤១ ភូមិព្រែកមហាទេព សង្កាត់ ស្វាយប៉ោ ក្រុងបាត់ដំបង ខេត្តបាត់ ដំបង ។
-*សម្ភារ:បាត់បង់រួមមាន៖
-ទូរស័ព្ទដៃ ម៉ាកអុបប៉ូ ពណ៌ទឹកប្រាក់ ចំនួន០១គ្រឿង (របស់ឈ្មោះ អ៉ីវ វណ្ណា )
-ទូរស័ព្ទដៃ ម៉ាកអុបប៉ូ ពណ៌បៃតងខ្ចី ចំនួន០១គ្រឿង (របស់ឈ្មោះ អ៉ីវ វណ្ណា )
-ទូរស័ព្ទដៃ ម៉ាកអុបប៉ូ ពណ៌ខៀវ-ស្វាយ ចំនួន០១គ្រឿង (របស់ឈ្មោះ ប៉ង កា )
-ទូរស័ព្ទដៃ ម៉ាកអុបប៉ូ ពណ៌បៃតងខ្ចី ចំនួន០១គ្រឿង (របស់ឈ្មោះ ប៉ង កា )
-ទូរស័ព្ទដៃ ម៉ាកអុបប៉ូ ពណ៌ទឹកសមុទ្រ ចំនួន០១គ្រឿង (របស់ឈ្មោះ ប៉ង កា )។

ក្រោយពីទទួលបណ្តឹងជនរងគ្រោះ​ រួចមក និងដោយអនុវត្តតាម​យោបល់ដឹកនាំរបស់លោកឧត្តមសេនីយ៍ទោ​ សាត​ គឹមសាន​ ស្នងការនៃស្នងការដ្ឋាន​នគរ​បាល​ ខេត្តបាត់ដំបង​ និងលោកឧត្តមសេនីយ៍ត្រី​ លឹម​ ពុទ្ធីឡា​ ស្នងការរងផែនការងារនគរបាល​ព្រហ្មទ័ណ្ឌ​ លោកវរសេនីយ៍ឯក​ ពេជ្រ​ សារ៉ែន​ អធិការនគរបាលក្រុងបាត់ដំបង​ បានដឹកនាំកម្លាំងធ្វើការស៊ើបអង្កេតស្រាវជ្រាវរហូតកំណត់មុខសញ្ញាបាននិងធ្វើការឃាត់ខ្លួនជនសង្ស័យចំនួន០២នាក់៖
១-ឈ្មោះ វណ្ណា នាថ ភេទប្រុស អាយុ ១៦ឆ្នាំ  មានទីលំនៅមិនពិតប្រាកដ ។
២-ឈ្មោះ វណ្ណា ណេត ភេទប្រុស អាយុ ១៨ឆ្នាំ  មានទីលំនៅមិនពិត ប្រាកដ មកកាន់អធិការដ្ឋាននគរ បាលក្រុងបាត់ដំបងដើម្បីធ្វើការ សាកសួរ ។

ក្រោយពីធ្វើការសាកសួរជន សង្ស័យបានសារភាពថាគេពិតជាបានធ្វើសកម្មភាពចូលលួចទូរ ស័ព្ទរបស់ជនរងគ្រោះនៅក្នុងមន្ទីពេទ្យ ពិតប្រាកដមែន។
-សម្ភារ:ដកហូត៖
-ទូរស័ព្ទដៃ ម៉ាកអុបប៉ូ ពណ៌ទឹក ប្រាក់ចំនួន​០១គ្រឿង
-ទូរស័ព្ទដៃ ម៉ាកអុបប៉ូ ពណ៌បៃតងខ្ចី ចំនួន០១គ្រឿង
-ទូរស័ព្ទដៃ ម៉ាកអុបប៉ូ ពណ៌ខៀវ-ស្វាយ ចំនួន០១គ្រឿង
-ទូរស័ព្ទដៃ ម៉ាកអុបប៉ូ ពណ៌បៃតងខ្ចី ចំនួន០១គ្រឿង
-ទូរស័ព្ទដៃ ម៉ាកអុបប៉ូ ពណ៌ទឹកសមុទ្រ ចំនួន០១គ្រឿង
-ទូរស័ព្ទដៃ ម៉ាកអុបប៉ូ ពណ៌ស្លាបកំផេម ចំនួន០១គ្រឿង
-ទូរស័ព្ទដៃ ម៉ាកអាយហ្វូនសិច ពណ៌ទឹកប្រាក់ ចំនួន០១គ្រឿង។

ជនសង័្សយទាំងពីរនាក់ត្រូវបានឃាត់ខ្លួនរៀបចំបញ្ជូនមកការិយាល័យជំនាញអនុវត្តបន្តតាមនីតិវិធី​ ច្បាប់ ហើយសម្ភារ:បានប្រគល់ជូនម្ចាស់វិញ ៕

មតិយោបល់